ҚЫЗЫЛҚОҒА АУДАНДЫҚ ҚОҒАМДЫҚ КЕҢЕСТІҢ ҚОРЫТЫНДЫ ОТЫРЫСЫ ӨТТІ

---

Азаматтық қоғам өкілдерімен жыл бойы ауданның өзекті деп танылған мәселелері талқыланды. Соның ішінде аудан халқын тұрақты ауыз сумен қамтамасыз ету, салынып жатқан құрылыс жұмыстарының жай-күйі туралы сәуір, тамыз айларында қоғамдық кеңес отырысы өткізілді. Талқылаудан кейін тапсырылған жұмыстардың орындалысы туралы қорытынды кеңес отырысы өткізілді.
Отырысқа аудан әкімі Қ.Әзмұханов қатысып, қоғамдық кеңес төрағасы Ж.Ізбасқан ашып, жүргізіп отырды. 
Қоғамдық кеңес отырысына облыстық жолаушылар көлігі және автомобиль жолдары басқарма басшысы Мұханбеталиев Әлібек Максимұлы қатысып, құрылыс мәселенің тұздығына айналған көпір мәселесі туралы 
-    «Миялы-Жангелдин» бағытындағы жырылған тас жолға көпір салу  бойынша жобалық сметалық құжаттама жасалған болатын. Алайда сараптамадан өткеннен кейін жобаға қосымша  түзетулер енгізілді. Көпірдің жалпы ұзындығы 36 метр.  Өздеріңізгі мәлім осы уақытқа дейін 12 метр тереңдіктегі судың көлемін азайту жұмыстары жүргізілді. Қазір судың көлемі 6 метрге түскен. Жұмыс күшін арттырып, құрылыс жұмыстарын уақытында аяқтау үшін қосымша  мердігер мекемемен келісімшартқа отырдық. Осы жұма күнінен бастап 6 насос келіп, екі мезгіл бойы үздіксіз жұмыстар жүргізеді. Көпір құрылысына келетін болсақ, 40 жерді қатайтуға арналған қазық дайын тұр, оның үстіне 40 дана арқалық дайындалып жатыр.  Біздің мақсатымыз наурыз айында болжамды өр суының келу уақытына  дейін көпірдің негізгі қаңқасын құрып, кейін жұмыстарды сапалы аяқтау,- деді.

Кеңес мүшелері сәуір айында халықты тұрақты ауызсумен қамту бағытында су есептегіш құралды (счетчик) орнату; қызметкерлерге арналған демалыс бөлмесінің болуы; тұрғын үйден шыққан ақаулықтарды жөндеу үшін жеке кәсіпкермен келісімшарт жүргізу мәселелерінің орындалысы бойынша «Казсушар» РМК Атырау филиалы Қызылқоға өндірістік учаскесінің бастығы С.Темірғалиев пен  «Теміржолсу- Ақтөбе» ЖШС-нің  Сағыз телім бастығы С.Досымбаевтың баяндамалары тыңдалды.
Сонымен қатар тамыз айында өткен отырыс қорытындысына сай ауданда жүзеге асырылатын құрылыс нысандарының эскиздік жобасын қоғамдық кеңес мүшелерімен, құрылыс саласының ардагерлерімен кеңесе отыра талқылау; жаяу жүргіншілер жолының сапалы жасалуын қадағалау; автокөлік жолдарының мерзімінде аяқтау; бос тұрған ғимараттарды меншік иесі қажет етпесе техникалық зерделеуден өткізіп, орнын тазалау жұмыстарының орындалысы туралы аудандық құрылыс, сәулет және қала құрылысы бөлімінің басшысы Д.Нығметовтің, аудандық тұрғын үй коммуналдық шаруашылық жолаушылар көлігі, автомобиль жолдары және тұрғын үй инспекциясы бөлімінің басшысы К.Камаладеновтің, Миялы ауылдық округ әкімі С.Салықовтың хабарламалары тыңдалып, кеңес мүшелері жұмыстың орындалысын бір ауыздан мақұлдап, қарар қабылдады.