Қалалық мәслихат депутаттары мен Қоғамдық кеңес мүшелері ұйымдастырған ерекше балаларға арналған жаңа жылдық іс-шара

---

Бүгін қалалық мәслихат депутаттарының және Қоғамдық кеңес мүшелерінің ұйымдастыруымен ерекше балаларға арналған жаңа жылдық мерекелік шара Т.Ахтанов атындағы облыстық драма театрының қабырғасында өтті.

Шырша шамын жағуға жиналған оқушылар Аяз ата мен Ақшақарды ерекше қуанышпен қарсы алып, түрлі қойылымдағы ән мен би өнерін тамашалады. Аяз Ата мен Ақшақар оқушыларға арнайы дайындалған сыйлықтар мен тәттілер табыстады.

Шара соңында көңіл күйлері шаттыққа толы балалар мен аналары өз ризашылықтарын білдіріп, жүрекжарды лебіздерін жеткізді.