Абай облысы Жарма ауданының Қоғамдық Кеңес отырысы өтті

---

Қоғамдық Кеңес отырысы

2023 жылдың 26 желтоқсанында сағат 10:00-де Жарма ауданы әкімдігі  ғимаратының кіші залында, Абай облысы Жарма ауданының Қоғамдық кеңес отырысы өтті. Кеңес отырысына Жарма ауданының әкімі, Жарма ауданы мәслихатының төрағасы, дербес бөлім басшылары қатысты.

Кеңес отырысының күн тәртібінде келесі мәселелер қаралды:

1. «Аудан әкімдігі мен аудан әкіміне жүктелген функциялар мен міндеттердің орындалу барысы туралы».

Баяндамашы: Жарма ауданының әкімі – Жарқынбек Борашұлы Байсабыров.                                                

         2. «Міндетті әлеуметтік медициналық сақтандыру жүйесі және тегін медициналық көмектің кепілдік берілген көлемі бойынша мемлекеттік тапсырыстың аудан көлемінде орындалуы туралы».

         Баяндамашы: «Жарма ауданының орталық ауруханасы» ШЖҚ КМҚК-ның бас дәрігерінің емдеу ісі бойынша орынбасары – Оразбаева Гүлназ Ерболовна;

         Қосымша баяндамашы: «Шар қалалық ауруханасы» ШЖҚ КМҚК-ның бас дәрігері – Айбек Бакдаулетович Карсакбаев.

 

3. Қоғамдық кеңес төрағасының қорытынды есебі.

Баяндамашы: Жарма ауданының Қоғамдық кеңес төрағасы – Кайрат Кадесович Жаксыбаев.

Сонымен қатар, әртүрлі мәселелерде:

1. Жарма аудандық мәслихатының екі шешім жобасы;

2. Қазақстан Республикасы мемлекеттік қызмет істері агенттігінің Абай облысы бойынша департаментінен келіп түскен ұсыныс хаты;

3. «2024 жылға арналған Жарма ауданының ауылдық елді мекендерге жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдар, кенттер, ауылдық округтер әкімдері аппараттарының мемлекеттік қызметшілеріне әлеуметтік қолдау шараларын ұсыну туралы» Жарма аудандық мәслихатының шешімінің жобасы;

4. Жарма аудандық мәслихатының 2024-2026 жылдарға арналған Жарма ауданының бюджетін бекіту туралы және Жарма ауданының қала, кенттер және ауылдық округтердің (тізім бойынша) бюджеттерін бекіту туралы шешім жобалары қаралып, тиісті қорытындылар шығарылды.

Кеңес мүшелері баяндамашыларға ауданымыздағы халықты толғандырып отырған өзекті сауалдарын қойды, атап айтқанда, Шар қаласынан тілі мүкіс балаларға логопед кабинетін ашу туралы ұсыныс түсті. Денсаулық сақтау саласындағы өзекті мәселелер талқыланды.

Жарма ауданының Қоғамдық кеңесінің 2024 жылға арналған жұмыс жоспары бекітілді.