19 желтоқсанда Қызылжар ауданының Қоғамдық кеңесінің жоспарлы отырысы өтті.

---

19 желтоқсанда Қызылжар ауданының Қоғамдық кеңесінің жоспарлы отырысы өтті. Отырыстың күн тәртібінде нормативтік - құқықтық актілерді, мәслихат шешімдерін, аудан әкімдігінің ауылдық елді мекендерге жұмыс істеу және тұру үшін келген Солтүстік Қазақстан облысы Қызылжар ауданының шалғай елді мекендерінде тұратын түрлі сала мамандарына көтерме жәрдемақы және әлеуметтік қолдау мәселелері жөніндегі қаулыларын келісу мен бекітуге, ауданда тұрғын үй көмегін көрсету мөлшері мен тәртібіне, балаларды жалпы білім беретін мектептерге тасымалдау схемасы мен тәртібін бекітуге қатысты мәселелер қаралды.
Қоғамдық кеңес мүшелері талқылау процесіне белсенді қатысып, өздерін қызықтырған сұрақтарын қойды. Әсіресе 2024-2026 жылдарға арналған аудан бюджетін талқылау кезінде көптеген сұрақтар келіп түсті, оларға экономика және қаржы бөлімінің басшысы Е. К. Закирин жауап берді.
Құрылымдық бөлімшелер: аудандық жұмыспен қамту және әлеуметтік бағдарламалар бөлімі, аудандық сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімі басшыларының сөздері тыңдалды.
Қызылжар аудандық мәдениет, спорт және тілдерді дамыту бөлімінің басшысы С.Т. Алдаеваның түрлі - түсті слайд презентациясымен безендірілген және ауданда дене шынықтыру мен спортты дамытуға қатысты баяндамасы мазмұнды әрі мағыналы болды. Ал ауданда балалар спортының дамуы туралы Әбдірахманов Н. А. - БЖСМ директоры және Нұрсейітов С. С. - Қызылжар ауданы ФП БЖК директоры қосымша ақпарат берді.
Отырыстың күн тәртібін соңғы талқылау Қызылжар ауданындағы Неке және ажырасу статистикасы мәселесі болды. Онда СҚО бойынша "Азаматтарға арналған үкімет" МК КЕАҚ АХАТ бойынша Қызылжар ауданының бөлім басшысы И.А. Хусаинова сөз сөйледі. Мәселе өте өзекті, өйткені Қазақстанда әрбір төртінші отбасы ыдырайды, ал ажырасудың ең жоғары деңгейі Қазақстанның солтүстік және шығыс өңірлерінде байқалады.
Күн тәртібіндегі барлық қаралған мәселелер бойынша оларды шешу мерзімдерін белгілей отырып, ұсынымдар берілді.
Талқылауды қорытындылай келе, Қоғамдық кеңестің төрайымы Ш. С. Біләлова отырыстың барлық қатысушыларына алғысын білдіріп, Қоғамдық кеңестің қызметін жетілдіру бойынша нақты ұсыныстар енгізуді және 2024 жылы қарауға жоспарланған мәселелерді ортаға салды.