«Құрылыс басқармасының 2022-2023 жылдардағы атқарған жұмысының есебі, алдағы жоспарлары және инфрақұрылым саласындағы мемлекеттік бағдарламалардың орындалуы туралы» және «Денсаулық сақтау басқармасының қызметі туралы 2022 жылғы 20 шілде №5/1 қарар ұс

---

Атырау облыстық  қоғамдық кеңесінің кезекті отырысында «Құрылыс басқармасының 2022-2023 жылдардағы атқарған жұмысының есебі, алдағы жоспарлары және инфрақұрылым саласындағы мемлекеттік бағдарламалардың орындалуы туралы мәселе қаралып, Атырау облысы Құрылыс, сәулет және қала құрылысы басқармасының басшысы Н.Құсайыновтың баяндамасы тыңдалды.

Күн тәртібіндегі мәселе бойынша Мемлекеттік сәулет – құрылыс бақылауы басқармасының басшысы Н.Биғали, қоғамдық кеңестің комиссия төрағасы  Б.Досмухамбетова  қосымша баяндама жасады.

Қоғамдық кеңес мүшелері халықты толғандыратын жағдайлар туралы, әсіресе, аяқталмаған, сапасыз, заңсыз  құрылыстар, оларға алынған шаралар туралы, сонымен бірге  жаңа құрылыс нысандарының инфрақұрылыммен қамтылуы жөнінде  сұрақтарын қойып, пікір алмасты.

Мәжіліске облыс әкімінің орынбасары Қ.Нұртаев қатысып, сөз сөйледі. Отырыс қорытындысымен қарар қабылданатын болады.