ҚР Сауда және интеграция министрлігі Техникалық реттеу және метрология комитетінің төрағасы Қуаныш Елікбаевпен кездесу

---

Ағымдағы жылдың 22 қаңтарында Ақтөбе қалалық маслихатының  төрағасы Анар Даржанова, Ақтөбе қаласының Қоғамдық кеңес мүшелері Дәурен Тауасаров, Дәурен Жанажанов, Әнуар Жамбаев, Асқар Құлтасбаев, Заманбек Сайынов «АМАNАТ» партиясының ғимаратында ҚР Сауда және интеграция министрлігі Техникалық реттеу және метрология комитетінің төрағасы Қуаныш Елікбаевпен кездесті.

Қуаныш Елікбаевтың айтуынша, ҚР Сауда және интеграция министрлігі «Қазақстан Республикасы аумағында уақыт есептеу тәртібі туралы» Қазақстан Республикасы Үкіметінің қаулысына өзгерістер әзірледі. Бұл мәселені кешенді пысықтау мақсатында тиісті жұмыс тобы құрылып, оның құрамына 60-тан астам мүше, оның ішінде ҚР Парламентінің депуттары, орталық және жергілікті мемлекеттік органдардың көпшілігі, ғылыми институттар, медициналық жоғары оқу орындары мен қоғам қайраткерлері кірді. 1-ші наурыз, сағат 00:00-ден бастап Қазақстан бірыңғай уақыт белдеуіне көшеді  деп хабарлады. Осылайша Қазақстанның бүкіл аумағы 5 сағаттық белдеуінде (UTC+5) орналасады.