ЖЫЛДЫҢ АЛҒАШҚЫ ОТЫРЫСЫ

---

 

        Бүгін, Төлеби аудандық Қоғамдық кеңестің алғашқы отырысы өтті. Кеңес төрағасы Б.Оралбеков ашып, төрағалық еткен отырыстың күн тәртібінде 3 мәселе қаралды.
        Алдымен Ленгір қаласы №4 Қ.Сәтпаев атындағы  жалпы білім беретін мектеп директоры Л.Сандыбаева сөз алды, мектептің «Б» корпус ғимараты қайта мектеп теңгеріміне қайтарылуына көптеп атсалысып, тиісті жергілікті атқарушы органдарға ұсыныстармен шығып ықпал жасағандары үшін кеңес мүшелеріне ризашылығын айтып, алғыс хатпен марапаттады.
1.  Төлеби ауданының жер учаскелерінің ең аз мөлшерін белгілеу туралы,      Төлеби аудандық жер қатынастары бөлім басшысының м. а. Дәулет Исабекұлы хабарлама жасады. Ауылшаруашылығы мақсатындағы жер учаскелерінің ең аз мөлшерін белгілеу туралы мәліметтермен таныстырып, түсіндірді және оң қорытынды келісім беруді сұрады. Кеңес мүшелері бірауыздан келісімдерін берді.  
2.  Кеңес төрағасы Б.Оралбеков 2024 жылға арналған жұмыс жоспардың жобасымен таныстырып бекітуге ұсыныс жасады. Кеңестің төралқа құрамымен өткен отырыста жан-жақты талқыланып, қаралған 2024 жылға арналған жұмыс жоспары бекітілді.     
3.       Қоғамдық кеңестің  комиссия төрағалары 2023 жылы атқарған жұмыстарына есептерін берді.                                                                                                                                                                               
     
         Кеңес төрағасы Б.Оралбеков отырысты қорытындылай келе кеңестің жиындарында көтерілген әрбір мәселелердің орындалуы бақылауда болатындығын, сонымен қатар қажеттілік туындаған жағдайда кеңес мүшелерінің келісімдерімен жұмыс жоспарына қосымша өзгерістер енгізілетіндігін атап өтті.