Созақ аудандық Қоғамдық кеңес отырысында аудан басшысы атқарылған жұмыстарды кеңінен баяндады

---

АУДАН БАСШЫСЫ ҚОҒАМДЫҚ КЕҢЕС ОТЫРЫСЫНДА АТҚАРЫЛҒАН ЖҰМЫСТАРДЫ КЕҢІНЕН БАЯНДАДЫ

Ағымдағы жылдың 31 қаңтар күні Созақ ауданы әкімдігінің мәжіліс залында Созақ аудандық Қоғамдық кеңесінің кезекті жиыны өтті. Жиынды Қоғамдық кеңестің төрағасы Мұрат Сапаров ашып, жүргізіп отырды. Кеңестің кезекті мәжілісінде аудан әкімі Мұхит Тұрысбеков өткен жылы әрбір сала бойынша атқарылған жұмыстарға жан-жақты тоқталып, алдағы жоспарларымен бөлісті. Сонымен қатар, аудан орталығын газдандыру, құрылыс, ауыл шаруашылығы, жол құрлысы сынды біршама мәселелерді оңтайландыру бағытында қолға алынған жұмыстардың да жай-жапсарын кеңінен баяндады. Жиында кеңес мүшелері сауалдарын жолдап, ұтымды ұсыныстарын ортаға салды. Аудан басшысы сала бойынша түскен сауалдар мен ұсыныс-пікірлерге тиісінше жауап беріп, алдағы уақытта да елдің игілігіне бағытталған жобаларды бірлесе атқаруға сенім білдірді. Сонымен қатар, кеңес мүшелері өткен отырыста аудан басшысына мүгедектігі бар балаларға арналған әлеуметтік такси қажеттігі жөнінде көтерген бастамалары оң шешілгенін айтып, ол үшін алғыстарын білдірді. Кеңес отырысына аудан әкімінің сала орынбасарлары мен Қоғамдық кеңес мүшелері, тиісті бөлім басшылары және БАҚ өкілдері қатысты.