авлодар ауданының шалғайдағы елді мекендерінде тұратын балаларды мектептерге тасымалдаудың схемалары мен тәртібі туралы

---

Павлодар ауданының Қоғамдық кеңесінің отырысында нормативтік құқықтық актілердің бірқатар жобалары қаралды.

"Павлодар ауданының шалғайдағы елді мекендерінде тұратын балаларды жалпы білім беретін мектептерге тасымалдау схемалары мен тәртібін бекіту туралы" НҚА жобасында автокөлік құралдарына және жүргізушілерге қойылатын талаптар, балаларды тасымалдау тәртібі көзделген. 2024 жылы 27 елді мекеннен мектеп оқушыларын тасымалдаумен қамту 636 баланы құрады. 14 автокөлік іске қосылды, оның ішінде 11 автобус және 3 шағын автобус. 23023-2024 оқу жылының басында аудан мектептеріне 9 жаңа жайлы автобус берілді.

"Павлодар ауданы бойынша шетелдіктер үшін 2024 жылға арналған туристік жарна мөлшерлемелерін бекіту туралы" НҚА жобасы талқыланды, жарна мөлшерлемесі қалалар мен аудандардағы хосстелдерді, Қонақ үйлерді, жалға берілетін тұрғын үйлерді қоспағанда, болу құнының 0 пайызын құрайды.

Сондай-ақ, "Павлодар ауданында бөлшек салық ставкасының төмендетілген мөлшерін енгізуді бекіту туралы"НҚА жобасы қаралды.

Құжат жобасында салық кезеңінде алынған (алынуға жататын) кірістер бойынша бөлшек салықтың арнайы салық режимін қолдану кезінде төлем көзінен ұсталатын салықтарды қоспағанда, корпоративтік немесе жеке табыс салығы мөлшерлемесінің мөлшерін 4% - дан 2% - ға дейін төмендету көзделген. Шешім 2024 жылғы 1 қаңтардан бастап күшіне енеді.