Қазкеңес жаңалықтары
KazKENES жаңалықтарыҚоғамдық сараптама. Комиссия отырысы.
Жамбыл облыстық Қоғамдық кеңесіне 2023 жылдың желтоқсан айында Жамбыл ауданы кәсіпкерлері атынан 2015 жылы «АграрлықКредиттікКорпарация» АҚ қабылдаған «Жанұялық бақтар» бағдарламасы бойынша қоғамдық сараптама жүргізу туралы өтінішхат түскен болатын.
Бағдарламаның мақсаты – 10-нан аса шаруашылық кооперациясын құру қағидатымен 5 гектар алма бақтарын салу және лизинг шарты бойынша жанұялық түрдегі 10 шаруа қожалығы дайын бақтарды алу керек еді.
2019 жылдан бастап кәсіпкерлер қиындықтарға тап болуда, себебі алма бақтарына Беркара шатқалынан бөлінген жерде үнемі дауылды желдер, суаратын судың жеткіліксіздігі, аптап ыстық алманың өсуіне қолайсыз болып, кедергі келтіреді. Өнімнің болмауы салдарынан шаруа қожалықтары лизингтік төлемдерін төлей алмады.
АҚ тарапынан жобалық-сметалық құжаттардың уақытылы дайын болмауы және экологиялық, метеорологиялық сараптамалар жүргізілмеуі себептерін анықтау үшін Қоғамдық кеңеске жолдаған кәсіпкерлер тобының өтінішін кеңестің тапсырмасы бойынша құрылған сараптама комиссиясы қарастыру үстінде.
Жеке және заңды тұлғалардың құқықтары мен заңды мүдделерін сақтау тұрғысынан қабылданатын шешімдерді сараптамадан өткізу мақсатында 2 ай бойы нақты жұмыстар атқарып, бүгінгі күні сарапшылар комиссиясы аталған мақсатта жұмыстарын жалғастыруда.