Кадрларды даярлау туралы

---

Заря орта білім беру мектебінде үш жылдан бері тракторшыларды даярлау сабақтары өткізіліп келеді. Облыстық қоғамдық кеңестің мүшелері В.И. Левченко және Д.А. Түсіпбеков Заря орта білім беру мектебінде болды, бос уақытында машина тану курстарына қатысатын мектеп оқушыларымен кездесті. Мектеп оқушыларының техникаға деген қызығушылығы бар екен. Олар машина тану сабақтарына үлкен ықыласпен қатысады. Қыздар да оқып, жүргізуші куәлігін алғысы келеді. Оқушылар ауылдан шықпай-ақ көлік жүргізуді ғана емес, дәнекерлеу, токарлық өңдеу негіздерін үйренуге дайын екендігін білдірді. В.И. Левченко кадр тапшылығын азайту, ауылдық жерлерге тракторшыларды, машинистерді даярлау, ауылдық орта мектептердегі оқушылардың тілек-мүдделерін қолдау мақсатында ғимаратты жөндеу мәселесін шешу қажет деп санайды, сонымен қатар оқу кабинетін тренажерлармен, жаңа құрал-жабдықтармен, стендтермен жабдықтау, сондай-ақ қолданыстағы техника мен көрнекі құралдарды жаңарту қажет дейді. Қоғамдық кеңес мүшелері шаруа қожалықтарының басшыларымен де кездесіп, олармен кадрларды оқытуға қатысу, атап айтқанда кәсіпорында студенттерге тәжірибелік сабақтар өткізуге қажетті техника бөлу және кейіннен оларды жұмыс орындарымен қамтамасыз ету мәселелерін талқылады.