Ақмола облыстық мәслихатының депутаттарымен кездесу өтті

---

Бүгін Ақмола облыстық мәслихатының төрағасы Бейбіт Жүсіпов бастаған депутаттар қаламызға жасаған іс-сапары аясында отырыс өткізді. Жиынға Қосшы қаласы Қоғамдық кеңесінің төрағасы Сайра Матайбаева да қатысты.

Күн тәртібі бойынша Қосшы қаласының инфрақұрылымдық дамуы барысында кездесетін түйткілді мәселелер қаралды. Оның ішінде тұрғындарымыздан шағымдар жиі түсіп тұратын денсаулық сақтау саласы, қалалық емхананың жұмысын жетілдіру, электр энергиясымен қамтамасыз ету, жылу беру, ауыз су мәселесі және т.б. бар. Қоғамдағы маңызды салалар туралы тиісті басқармалардан келген басшылар баяндамалар жасап, қойылған сұрақтарға жауап берді.

Отырыс барысында Сайра Әйтенқызы басқарма өкілдеріне, облыстық мәслихат депутаттарына қала тұрғындары тарапынан көп қойылатын сауалдарды қойды. Олардың қатарында қаламызды газбен қамтамасыз ету, Қосшыны газдандыру жұмыстары туралы мәселелер бар.