Ұлытау облысының қоғамдық кеңесі, басқарма басшыларының өткен жылғы жасалған жұмыс барысын тыңдауды жалғастыруда.

---

Бүгін, 21  ақпанда бірнеше  басқарма есеп  берді, олар: білім  беру,   мәдениет,тілдерді дамыту және архив  ісі, сонымен қатар дене шынықтыру және спорт. 

Басқарма басшылары 2023 жылы атқарылған  жұмыспен ғана шектеліп қоймай, ағымдағы  жылға көздеген жоспарлармен  бөлісті. 
Жоғарыда аталған  басқармаларға Қоғамдық кеңес мүшелері өзекті мәселелерге байланысты сұрақтар  қойды.  Мысалға: елдің жағасын  ұстатқан жағдайдың бірі -  5 жыл бойы құлдықта болған жасөспірімдердің тағдыры,қала сыртында тұратын мектеп оқушыларын тасымалдауына, кейбір бала - бақшаларда жұмыс жасайтын тәрбиешілердің тәртібіне  байланысты болды. 

Одан бөлек, мәдениет саласындағы бір қатар кемшіліктер қоғамдық кеңес мүшелерін алаңдатып отыр. Атап айтсақ : Жошы - Хан кешенінің осы уақытқа дейін облыстың немесе  республиканың балансына өтпеуі, ол жаққа барған туристтер арнайы терминалдар арқылы кіру билеттерін сатып ала алмайтындығы, филармония әртістерінің жалақыларының аздығы.

Спорт саласына келсек, Ұлытау облысының басқа өңірлерге қарағанда қаражаттың мүлдем аз бөлінуі. Осы жағдай балалар мен жасөспірімдердің жақсы көрсеткіштерге қол жеткізбеуі айтылды.