Жолаушы тасымалына субсидиялар

---

Ақтөбе облысы бойынша жолаушылар тасымалы саласына бөлінетін қаражат пен субсидияларды тиімді жұмсау мәселелері, сондай-ақ Ақтөбе қаласы бойынша жолаушылар қоғамдық көлігінің даму қарқыны мәселелері бүгін Ақтөбе облысының Бюджет, экономика, өнеркәсіп және кәсіпкерлік, сондай-ақ ТКШ, сәулет, құрылыс және көлік жөніндегі қоғамдық кеңесі Комиссияларының отырысында қаралды. Ақтөбе облысының жолаушылар көлігі және автомобиль жолдары басқармасының басшысы А. Қайыр және Ақтөбе қаласының тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Б. Серіков баяндама жасады.

Комиссия мүшелері өзекті мәселелерді көтерді. Олар субсидиялауға, қоғамдық көлік қызметінің сапасына және т.б. қатысты. Және мемлекет субсидиялайтын "Ақтөбе-Шалқар" қатынасымен қызмет көрсету сапасы мен поездардың жай-күйі мәселесін көтерді. Жалпы, шалғай аудандарды көлік қатынасымен қамту мәселесі қозғалды. Бірқатар ұсыныстар айтылды.