Тараз қалалық Қоғамдық кеңес мақсатты мониторингтік топтардың жұмыс бағыттарын айқындады

---

Тараз қалалық Қоғамдық кеңес «Тараз қалалық полиция басқармасының заңдылықты қамтамасыз ету және адам кұқықтары мен бостандықтарын сақтау, азаматтардың арыз- шағымдары мен ұсыныстарын шешу жөнінде атқарып жатқан жұмыстары туралы» және «Тараз қаласының колледждері мен жоғары оқу орындарында білім алушылардың жатақханаларда орындармен қамтамасыз етілу жағдайы туралы» мәселелерді зерделеу шараларын пысықтады.

Көтерілгелі отырған сұрақтар бойынша 2 мониторингтік топ құрылды.

Ол топтарға, яғни, құқық қорғау саласын талдау бойынша Қоғамдық кеңестің қоғамдық қауіпсіздік, дін жане жастар саясаты жөніндегі комиссиясының төрағасы Серік Жақсылықұлы Сәлемов, жатақханаларға қатысты Қоғамдық кеңестің экология, мәдени- әлеуметтік және қоғамдық даму мәселелері жөніндегі комиссиясының төрағасы Марат Сейітбекұлы Жұманқұлов басшылық етеді.

Мониторингтік шараларды ұйымдастыру бағыттарын ұсынған топ жетекшілері жұмысты жүргізудегі басты басымдықтар мен әрекеттерді атап өтті.

Кеңес төрағасы Сембек Әбетайұлы Сейдәзімов әріптестерін мүдделі жұртшылықты толғандырып жүрген мәселелерге мұқият болуға және мейлінше шешілуіне атсалысуға шақырды.

Мониторингтік топтардың істеріне сәттілік тілейміз. Зерделеу барысы мен нәтижесі туралы қосымша хабардар ететін боламыз.