2024 жылдың бюджетін нақтылау

---

Ұлытау облысының Қоғамдық кеңесі 26 ақпанда кезектен тыс отырыс өткізді. 
Оған облыс әкімінің орынбасары Дастан Рыспеков, бюджеттік бағдарламалар әкімшілері қатысты. 

Күн тәртібінде 1 сұрақ - 2024 жылдың бюджетін нақтылау. 
Қоғамдық кеңес мүшелері экономика Басқармасының басшысына біршама сын айтты.
Біріншіден,нақтылау құжаттары Қоғамдық кеңес мүшелеріне қарастырып, талқылап өз шешімін айтуға мүлдем уақыт берілмеді. 
Екіншіден, 240 млн қаражат түсініксіз бір ғимаратты сатып алуға қарастырылмақ болған. Ол кімге, не себеппен алынайын деп жатқанын бюджеттік әкімшілік бағдарламасы ашып айтылмады. 

Отырыста Қоғамдық кеңес мүшелері әлеуметтік салаға, нақты айтқанда спорт және дене шынықтыру басқармасына қаражаттың аз беріліп, соның кесірінен біздің спортшылар Қазақстан бойынша көрсеткіштерден ең соңғы орында тұрғанын баса айтты. 
     Сонымен қатар. Жезді кентінде құрылысы аяқталмаған спорт кешеніне қосымша 200 млн қаражат бөлу қажеттілігі айтылды. Кешеннің аяқталуы облыс әкімі Берік Әбдіғалиұлы басты назарында, сонымен қатар, өңір басшысының осы ретте арнайы тапсырмасы да бар болатын.
Отырысты аяқтай келе, қоғамдық кеңес мүшелерінің шешімі төмендегідей болды:
-240 млн теңгені белгісіз нысанға беруге қарсылық білдірді;
- 200 млн теңгені Жезді кентінде салынып, бітуіне қаражат жетпей жатқан спорт нысанына берілуі;
- спорт Басқармасына бұқаралық спортты дамытуға қосымша 500 млн қарастыру;