Созақ аудандық Қоғамдық кеңестің кезекті отырысында шешім жобасы талқыланды.

---

Созақ аудандық Қоғамдық кеңестің кезекті отырысында шешім жобасы талқыланды.

Созақ аудандық қоғамдық кеңестің кезекті отырысында, аудандық мәслихаттың 2023 жылғы 20 желтоқсандағы №70 шешімі бойынша, яғни «2024-2026 жылдарға арналған аудандық бюджет туралы» шешімге өзгерістер енгізу туралы жобасын талқылау барысында аталған мәселеге байланысты Созақ ауданы әкімдігінің экономика және қаржы бөлімінің басшысы Е.Айдарбеков хабарлама жасады.

Шешімнің жобасында:

1) "Мемлекеттік органдардың объектілерін дамыту" бюджеттік бағдарламасы бойынша, Созақ ауылдық округі әкімі аппаратының әкімшілік ғимаратының құрылысына қосымша қаржы бөлу;

2) «Ауылшаруашылық объектілерін дамыту» бюджеттік бағдарламасы бойынша, «Біресек» су қоймасы құрылыс жұмыстары жобасын түзету үшін қаржы қарау;

3) «Жергілікті деңгейде құрылыс, сәулет және қала құрылысы саласындағы мемлекеттік саясатты іске асыру жөніндегі қызметтер» бюджеттік бағдарламасы бойынша, Шолаққорған ауылындағы «Достар» стадионының күрделі жөндеу жұмыстарын жүргізу үшін техникалық тексеру қызметіне қаржы қарау.

➡Қоғамдық кеңес мүшелері шешімнің жобасын жіті қарап, талқылап, Созақ ауылы әкімшілік ғимаратының құрылысына қажетті қосымша қаржы мен Шолаққорған ауылындағы "Достар" стадионының күрделі жөндеу жұмыстарын жүргізу үшін техникалық тексеру қызметіне қажетті қаржының бөлінуін мақұлдады.

➡Ал, ауылшаруашылық объектілерін дамыту бюджеттік бағдарламасы бойынша, "Біресек" су қоймасы құрылыс жұмыстары жобасын түзету үшін қажетті қаржыны арнайы түсіндірме жасау үшін, аудан әкімдігінің Құрылыс бөлімі басшысы мен бас жобалаушы "АРХ-КОМПЛЕКС" ЖШС директорын шақырып атлған жоба бойынша танысып шығуды ұйғарды. Кеңес отырысын Ә.Сөлтеков қорытындылады, қаралған шешім жобасы бойынша Қоғамдық кеңес мүшелерінің тарапынан бір ауыздан келісілді, қарар қабылданды. «Талқылау және ұсынымдарды тұжырымдау» хаттамалары әзірленді.