Қазкеңес жаңалықтары
KazKENES жаңалықтарыҚосшы қаласы әкімінің м.а. Берген Жұмкейұлының төрағалығымен қаламыздағы қар тазалау мәселесі бойынша отырыс өтті
18.03.2024 ж.
Бүгін Қосшы қаласы әкімінің м.а. Берген Жұмкейұлының төрағалығымен қаламыздағы қар тазалау мәселесі бойынша отырыс өтті.
Жиынға Қосшы қаласы Қоғамдық кеңесінің мүшелері, қала мәслихатының депутаттары және мемлекеттік мекемелердің басшылары қатысты.
Отырыста Қосшы қаласының жолаушылар көлігі және автомобиль жолдары бөлімінің басшысы Әлкен Тойынбеков қаламыздағы және Тайтөбе ауылы бойынша қар шығару жұмыстары туралы мәлімет берді. Бөлім басшысы мердігер мекеменің атқарып жатқан жұмыстары жоспар бойынша жүзеге асып жатқанын баяндады.
Қоғамдық кеңестің төрағасы Сайра Матайбаева және кеңес мүшелері баяндамашыға көкейлеріндегі сауалдарын қойып, тұрғындар тарапынан түсіп жатқан шағымдардың көп екенін, халықтың қар шығару жұмыстарына көңілі толмайтынын жеткізді.
Мәслихат төрағасы Әлихан Қуатбеков депутаттық корпус мүшелерінің қар тазалау жұмыстары бойынша мониторингтер жүргізіп, тиісті бөлімге депутаттық сауал жолдағанын, бірақ тұщымды жауап болмағанын атап өтті.
Отырыс соңында Қоғамдық кеңестің бірқатар ұсыныстары енгізілді.