Субсидияланатын жолаушыларды тасымалдау бағыттарына жүргізілген мониторинг нәтижелері туралы

---

Облыстық қоғамдық кеңестің мүшесі Г.А. Науразбаеваның төрағалығымен халықтың өмір сүру сапасын арттыру мәселелері жөніндегі комиссияның отырысы өтті. Отырыста субсидияланатын жолаушылар тасымалы бағыттарына жүргізілген мониторингтің қорытындысы шығарылды. Мониторинг қалалар мен аудандар қоғамдық кеңестерінің қатысуымен жүргізілді. Отырыс жұмысына облыс жолаушылар көлігі және автомобиль жолдары басқармасының, қалалар мен аудандар әкімдіктерінің өкілдері, Екібастұз қалалық қоғамдық кеңестің төрағасы Р.Б. Әміренов және Павлодар аудандық қоғамдық кеңестің төрағасы Б.Т. Баткеев қатысты. Қоғамдық кеңестің мүшесі Б.Т. Файзулин 2023 жылы бөлінген субсидиялардың арқасында тасымалдаушылар автобус паркін 130 жаңа жайлы үлкен классты автобусқа (оның ішінде Павлодарда - 110 бірлік, Екібастұзда - 20 бірлік) жаңартуға қол жеткізгенін атап өтті. Бұл маршруттардың жүйелілігін арттыруға және қалалық маршруттардағы кестелер арасындағы аралықты азайтуға мүмкіндік берді. Мониторинг топ, жалпы, субсидиялау үдерісі заң талаптарына сәйкес сақталғанын атап өтті. Сонымен қатар, Екібастұз қаласында, Ақтоғай, Баянауыл, Железин, Аққулы, Павлодар, Успен және Шарбақты аудандарында әлеуметтік маңызы бар жолдар тізбесіне енгізілген маршруттар бойынша әлеуетті өнім берушілер – жүргізушілердің жоқтығынан қызмет көрсетілмейтіні атап өтілді. Павлодар қаласында №5, 126 бағыттары бойынша қозғалыс кестесінің көбеюі шешім қабылдауды қажет етеді. Ақсу қаласының тұрғындары кейбір бағыттар бойынша қызу уақытта «Гармошка» автобустарын жіберіді сұрайды. Сондай-ақ, қалаларда кейбір бағыттарда аялдамалар туралы ескертулер жоқ, қыста кейбір автобустар салқын болатыны айтылды. Жолдарды тазалау жұмыстары жеткілікті деңгейде жүргізілмей, автобустар мен жолаушылар қозғалысына қолайсыздықтар туғызуда. Рәсімделмеген аялдамалар да бар, адамдар ашық алаңда автобус күтіп тұрады Барлық түйткілді мәселелер бойынша жолаушылар көлігі және автомобиль жолдары басқармасына, қалалар мен аудандар әкімдіктеріне ұсынымдар берілді.