2023 жылғы түлектерді жұмысқа орналастыруды мониторингілеу туралы

---

Облыстық қоғамдық кеңестің мүшесі Г.А.Науразбаеваның төрағалығымен өткен халықтың өмір сүру сапасын арттыру мәселелері жөніндегі комиссиясының отырысында жоғары оқу орындары мен колледждердің 2023 жылғы түлектерінің жұмысқа орналасу мониторингінің қорытындысы шығарылды. Торайғыров университетінде алған мамандығы бойынша түлектердің жұмысқа орналасу көрсеткіші 95%, Ә.Марғұлан атындағы Павлодар педагогикалық университетінде 92,5% құрайды. ИнЕУ түлектерінің барлығы жұмысқа орналасқан, бірақ олардың 47,4%-ы ғана алған мамандығы бойынша жұмыс істейді. Облыс білім беру басқармасының мәліметтері бойынша, колледжді 5551 адам бітірсе, оның 34-і жұмысқа орналаспаған. Қоғамдық кеңес мүшелері жұмыссыз жүрген барлық түлектермен хабарласты. Нәтижесінде, олардың үштен бір бөлігі ғана жұмыс істейтіні анықталды, соның өзінде мамандығы бойынша емес. Жұмысқа тұрғызылмаған түлектердің басым бөлігі өз мамандығы бойынша жұмыс іздеуде, сонымен қатар олар жоғары жалақысы төленетін жұмысқа орналасуды қалайды. Қоғамдық кеңестің мүшелері Абдраманова С., Казылова Г., Регатунова М., Файзулин Б. осы мәселені талқылауға белсенді қатысты. Қоғамдық кеңес мүшелерінің сұрақтарына облыс білім беру басқармасының және жоғары оқу орындарының өкілдері жауап берді. Қаралған мәселенің қорытындылары бойынша кадрларды даярлау мәселесін қоғамдық кеңестің отырысында қарастыру шешімі қабылданды.