Қазкеңес жаңалықтары

Шыңғырлау ауданы Қоғамдық кеңес отырысы

Жуырда  аудандық Қоғамдық кеңес отырысы өткізілді. Кеңесте бірқатар өзекті мәселелер көтірілді. Жиынға кеңес мүшелері, аудан әкімінің орынбасарлары мен аудандық мәслихат депутаттары қатысты. Күн тәртібінде қаралған мәселелер:  Шыңғырлау ауданында 2024 жылы бөлшек салықтың арнаулы салық режимін қолдану кезінде салық мөлшерлемесінің мөлшерін төмендету туралы аудандық кәсіпкерлік және ауылшаруашылығы бөлімі, Шыңғырлау ауданында тұрғын үй көмегін көрсетудің мөлшерін және тәртібін айқындау туралы аудандық жұмыспен қамту және әлеуметтік бағдарламалар бөлімі, аудан аумағында көктемгі су тасқынының алдын-алу бағытында атқарылып жатырған жұмыстар туралы аудандық төтенше жағдайлар бөлімі, әлеуметтік желілерде тұрғындар тарапынан наразылық туындатып жатырған бұралқы иттерді аулау мәселесі туралы аудандық ветеринариялық станциясы, жалдамалы автокөліктер (такси қызметі) жол ақысы және жүру регламенті туралы Шыңғырлау ауданы бойынша мемлекеттік кірістер басқармасы мамандары баяндамаларын ұсынды. Көтерілген мәселелерге ұсынылған шешімдер дауысқа салынып, қорытындылар шығарылды.

 

Аудан аумағында су тасқынының алдын алу бойынша су арықтары мен құбырларын және көшелерді қардан тазарту  жұмыстары жүргізілуде. Сондай-ақ, су тасқынының алдын алу мақсатында аудан орталығында мотопомпа мен ассенизаторлық көлік жұмылдыру көзделіп отыр. Қазіргі уақытта Шыңғырлау ауылдық округінде құм салынған қаптар дайындалып, су басу қаупі бар қажетті жерлерге орнатылуда.   

 

Қазіргі уақытта өзекті болып отырған мәселе, аудан аумағында иесіз бос жүретін бұралқы иттердің санының көптігі тұрғындардың наразылығын тудырып отыр. Осы тұста жиынға ауыл тұрғындары қатысып, өз шағымдарын білдірді. Аудандық ветеринариялық станциясының директоры Досқанат Ерболұлы осы мәселе бойынша атқарылып жатырған жұмыстар бойынша баяндамасымен таныстырған болатын.  Бүгінгі күнге аудан бойынша 20 қаңғыбас ит тұрғындардың өтініштері негізінде ауланып жансыздандырылды.  Жаңа еңгізілген заң қараусыз қалған иттерге жауапкершілікпен қарауды талап етеді. Иесі табылғанша төрт аяқтыны өлтіруге тыйым салынады. Тіпті екі айға дейін оны уа­қыт­ша ұстап, бағып-қағу қажеттігі де ескерілген. Алайда ересектер түгілі ба­ла­ларды талап жатқан қаң­ғы­бас иттер туралы қо­ғам­да жиі ай­­тылып жүр. Ит иелерінің жауап­кер­шіліктен жал­таруы да талай рет тал­қыланды.Жалпы қаңғыбас иттер көп­теген жұқпалы ауруларды тасы­мал­дайтынын бәріміз де білеміз. Оның ішінде, аса қауіптісі – құ­тыру, эхинококкоз, қышыма, қо­­тыр аурулары. Өкінішке қарай, көп иттердің иелері заңдағы та­лап­тарды сақтауға келгенде құ­лықсыз болып шығады. Соның  салдарынан балалар мен тұрғындар зардап шегіп жатыр. Қазіргі таңда қаңғыбас жануарлардың санын реттеу жұмыстарын ҚР «Жануарларға жауапкершілікпен қарау туралы» Заңға сәйкес ауланып, мамандандырылған мекемеде  биозарарсыздандырудан  өткізіледі және құтыру ауруына қарсы екпе салынып, чип енгізу шаралар жүргізіледі. Жауапты мекемемен бірге тұрғындар да бірлесіп иесіз иттердің көшелерде жүруінің алдын алу бойынша шаралар жүргізу жоспарға алынды.

 

 

 

 

 

Кеңес жиынына ауданның такси қызыметін ұсынушы тұлғалар да қатысып, өз мәселелерін көтерген болатын. Тұрғындардың айтуы бойынша кейбір жүргізушілер қызмет құнын көтеріп ұсынып отыр және де тасымалдау бойынша жәке кәсіпкер ретінде тіркелмеген.   Мемлекеттік кірістер басқармасының Шыңғырлау ауданы бойынша бөлімінің маманы Әсет Қуандықұлы осы тақырып бойынша баяндама жасап, такси қызметін ұсынушы тұлғалардың салық мекелелеріне тіркелмеген жағдайда әкімшілік жауапкершілікке тартылатындығын атап өтті. Өткен айда аудан орталығында  Қоғамдық кеңес мүшелерімен, полиция қызметкерлерімен, салық органдарымен бірлесе отыра, такси қызметін ұсынушы тұлғалардың қатысуымен түсінік жұмыстары жүргізілген болатын. Алдағы уақытта осы мәселе аясында аудан аумағында тұрақты профилактикалық жұмыстар жүргізілетін болады

 Кеңес мүшелері көтерілген мәселелердің барлығы қаралып,  шешімі шығарылатынын айтты.