Денсаулық сақтау саласындағы сыбайлас жемқорлық тәуекелдерін сыртқы талдау нәтижелері туралы

---

Н.А.Нәбиевтің төрағалығымен өткен облыстық қоғамдық кеңес президиумының отырысында денсаулық сақтау саласындағы сыбайлас жемқорлық тәуекелдерін сыртқы талдау нәтижелері қаралды. Сыбайлас жемқорлыққа қарсы қызметтің Павлодар облысы бойынша превенция басқармасының басшысы М.А.Абдрахмановтың және облыстың денсаулық сақтау басқармасы басшысының орынбасары С.Е. Арыстанованың ақпараттары тыңдалды. Қоғамдық кеңестің мүшелері Абдраманова С.С., Гуляев С.Н., Рюмкин А.В., Туғанбай А., Түсіпбеков Д.А., Файзуллин Б.Т. тұрғындардың міндетті медициналық сақтандыру қорының жұмысына және медициналық қызмет көрсету сапасына шағымдары көп екенін атап өтті. Отырыс қорытындылары бойынша облыстың денсаулық сақтау, құрылыс және мемлекеттік сатып алу басқармаларына ұсыныстар берілді.