Зардап шеккендерге көмек

---

Ақтөбе облыстық Қоғамдық кеңесінің төрағасы және мүшелері Ақтөбенің су басқан аудандарын аралап, халықпен кездесулерін жалғастыруда. Бүгін Тәттігүл Талаева Мұнайшы-4 және Гидрогеолог бау-бақша ұжымдарында тұратын адамдардың жағдайымен танысты. Бұған дейін жергілікті тұрғындар оған көмек сұрап қоңырау шалған. Су 20-ға жуық ауланы толтырды. Адамдар жақын маңдағы №53-ші мектепте орналасқан пунктке эвакуацияланды. Инертті материалдарды тасымалдауды ұйымдастырылып, су ағынына тосқауыл ретінде 30 Камаз құм төгіліп, 1 тиегіш жұмысқа тартылды. Арнайы техника жұмыс істеп жатыр.Ақтөбе облысының қоғамдық кеңесі эвакуацияланған тұрғындарына көмек көрсетіп, №53 мектепте "Ана мен бала" бөлмесі жабдықталды. Барлық қажетті заттар тұрғындарға жеткізілді.