Азаматтардың өтініштерін қарау туралы

---

В.А. Берковскийдің және С.Н. Гуляевтің жетекшілігімен өткен облыстық қоғамдық кеңестің екі комиссияларының бірлескен отырысында «Энтузиаст» бау-бақша серіктестігі тұтыну кооперативінің саяжай учаскелері иелерінің өтініштері қаралды. Саяжай телімдері иелерінің айтуынша бау-бақшадағы сумен және энергиямен қамту жүйесі, жолдар нашар жағдайда, саябақшылардың жеке мүлкі мен өсіп-піскен жемісті ұрлау алға басуда. Сонымен қатар, саяжай кооперативін пайдалану ақысы, су және электр энергиясы мен техникалық қызмет көрсету тарифтері жыл сайын көтеріледі. Саябақшылардың проблемаларын қарауға ҰЭМ Табиғи монополияларды реттеу комитеті, мемлекеттік кірістер, Әділет департаменттерінің, Павлодар қаласы бойынша жер қатынастары және кәсіпкерлік бөлімдерінің өкілдері қатысты. Талқылау барысында саяжай кооперативі мүшелерінің келісімінсіз бау-бақша басшылығы меншік нысанын өзгертіп, қазіргі уақытта су, электр қуаты, бау-бақша қызметтеріне тарифтерді өз қалауы бойынша белгілеп жатқаны анықталды. Басшылықпен жаңадан құрылған кооперативке кіру үшін ұзақ уақыттан бері жеке учаскелері бар және осы бақша учаскесінде жұмыс істейтін саябақшылар Жарғылық қорға 850 мың теңге көлемінде кіру жарнасын төлеуі қажет. Осыған байланысты қоғамдық кеңес мүшелері саяжай учаскелерінің иелеріне сот саяжай кооперативінің жаңа ұйым құру туралы шешімін жарамсыз деп танығандай сотқа жүгінуді ұсынды