Білім беру саласында мемлекеттік қызмет көрсету сапасын арттыру туралы

---

Облыстық қоғамдық кеңес Қазақстан Республикасы Мемлекеттік қызмет істері агенттігінің Павлодар облысы бойынша департаментінің қатысуымен білім беру саласындағы мемлекеттік қызмет көрсету сапасын арттыру мәселесін қарастырды. Облыстың білім беру басқармасының басшысы С. Айтқазина білім саласында 36 мемлекеттік қызмет көрсетілетінін хабарлады. Қызметтер «Электрондық үкімет» веб-порталы, Balabaqsha SmartNation, Индиго, Қазақстан Республикасы Білім және ғылым министрлігінің мемлекеттік қызметтерді автоматтандыру ақпараттық жүйелері, Сакура, Миндаль, Mektep SmartNation, ММ АЖО, сондай-ақ кеңсе, ХҚО, портал арқылы балама нұсқада көрсетіледі. Қоғамдық кеңестің жұмысына ҚР Мемлекеттік қызмет істері агенттігінің Павлодар облысы бойынша департаментінің басшысы, Әдеп жөніндегі кеңестің төрағасы Е. Қарымсақов, облыстың білім саласында сапаны қамтамасыз ету департаменті басшысының орынбасары А. Аленова, «Галицкое» ЖШС директоры, Успен аудандық қоғамдық кеңесінің төрағасы А. Касицин, «Семей медицина университеті» КеАҚ Павлодар филиалының басшысы Е. Қайырханов қатысты. Мәселені талқылауға қоғамдық кеңестің мүшелері Б. Аманжолов, Ю. Дубовицкий, Г. Қазылова, Б. Майкотов, Н. Нәбиев, О. Николашин, М. Регатунова белсене қатысып, ауыл шаруашылығы үшін сұранысқа ие кадрларды дайындау, кәсіби бағдарлау жұмысын ұйымдастыру және өткізу бойынша өз ұсыныстарын енгізді. Өткізілген отырыс қорытындысы бойынша облыстың білім беру басқармасына және басқа да мемлекеттік органдарға ұсыныстар берілді.