Қосшы қалалық Қоғамдық кеңесінің отырысы өтті

---

2024 жылдың 18 сәуірі күні Қосшы қалалық Қоғамдық кеңесінің отырысы өтті.

Кеңес төрағасы Матайбаева Сайра Әйтенқызы ашқан отырысқа кеңес мүшелерінен тыс қала әкімінің орынбасары Ә. Ибраева, бөлім басшылары, мердігер мекеме өкілдері қатысты.

Күн тәртібі бойынша 4 мәселе қаралды. Олардың қатарында 2023 жылғы қалалық бюджеттің атқарылуы туралы жылдық есепті талқылау, салықтық әкімшілендіруді жақсарту шаралары туралы және Қосшы қаласы бюджетінің кірістерін ұлғайту бағытында атқарылған жұмыс туралы, қаламызда тазалық жұмыстарын ұйымдастыру және қатты қалдықтарды шығару барысы туралы мәселелер бар.

Сонымен қатар «Тұрғындардың өтініштеріне сәйкес қала көшелерін грейдерлеуге (асфальттауға) келісім беру туралы Қосшы қаласы мәслихатының 2024 жылғы 16 сәуірдегі хатын қарастыру мәселесі көтерілді.

Отырыста бюджет мәселесі туралы қала әкімінің орынбасары Ә. Ибраева мәлімет берді. Ә. Бахытқызының мәліметінше 2023 жылы қалалық бюджеттің кіріс көлемі 14 722 023,9 мың теңгені құраған. Оның ішінде: меншікті кірістер -1 973 091,4 мың тг.

Сондай-ақ қаламыздағы салық түсімдері туралы кірістер басқармасы басшысының орынбасары Абай Болатұлы нақты мәліметтерімен бөлісті.

Тұрғындарды алаңдатып отырған ең басты мәселенің бірі - тазалық, қатты қалдықтарды шығару тақырыбы туралы болды. Ол туралы “SAF – 2023” ЖШС-нің директоры Дияс Жанұзақ баяндама жасады. Қаламыздағы қоқыс контейнерлері туралы, жұмыстың сапасыз орындалуы жайлы кеңес мүшелері көкейлеріндегі сауалдарын қойып, оған жауап берілді.

Отырыс барысында күн тәртібінде қаралған барлық мәселе бойынша талқылаулар болды. Жиын соңында тиісті мекеме өкілдеріне ұсыныстар беріліп, Қоғамдық кеңестің хаттамалық шешімі қабылданды.