ҚОҒАМДЫҚ МОНИТОРИНГ Т.РЫСҚҰЛОВ ЖӘНЕ МЕРКІ АУДАНДАРЫНДА ЖАЛҒАСУДА.

---

 24 сәуірде Жамбыл облыстық Қоғамдық кеңесінің мониторингтік топтары Т.Рысқұлов және Меркі аудандарының білім бөлімдерінің мектепке дейінгі ұйымдары, бастауыш, негізгі, жалпы орта білім беру, техникалық және кәсіптік білім беру мекемелерінің қызметтеріне қоғамдық мониторинг жүргізді.

Облыстық білім басқармасының “Құлан агротехникалық жоғары колледжі”, Т. Рысқұлов аудандық білім бөлімінің Абай атындағы шағын орталықты орта мектебі, Ә. Бөкейханов атындағы орта мектеп, N6 мектеп-гимназиясы, Болтай батыр орта мектебі, Мамай-Қайыңды бастауыш мектебі, Сөгеті бастауыш мектебі, А. Шынасилов атындағы орта мектебі, Р. Смаилов атындағы орта мектебі, Жамбыл атындағы орта мектебі және бірқатар мектепке дейінгі ұйымдарында мемлекеттік көрсетілетін қызметтердің іске асырылуы, білім беруді дамытудың 2023-2029 жылдарға арналған тұжырымдамасы міндеттерінің орындалуына қоғамдық мониторинг жүргізілді.

Меркі аудандық білім бөлімінің М. Әуезов атындағы мектеп-лицейі, А.Асқаров атындағы мектеп-гимназиясы, облыстық білім басқармасының “N9 Меркі колледжі” атқаратын білім беру қызметтерін мониторингтік топ мүшелері жан-жақты зерделеп, мемлекеттік қызметтер көрсету нәтижесінде анықталған жағдайларды жою жөнінде ұсынымдар, бақыланған нысандардың тиімділігін арттыру жөнінде ұсыныстар берілді