ТҮРКІСТАН ОБЛЫСЫ, СОЗАҚ АУДАНДЫҚ ҚОҒАМДЫҚ КЕҢЕСІ: ОБЛЫСТЫҚ МАҢЫЗЫ БАР ЖОЛДЫҢ САПАСЫ БАСТЫ НАЗАРДА

---

ОБЛЫСТЫҚ МАҢЫЗЫ БАР ЖОЛДЫҢ САПАСЫ БАСТЫ НАЗАРДА

Созақ аудандық қоғамдық кеңестің мүшелері Жұмақов Талғат, Саржанов Біржан және "Ел мүддесі" қоғамдық бірлестігінің төрағасы Данияр Беков, "Аманат" партиясының аудандық филиалының төрағасы Ернар Сағындықов Шолаққорған-Құмкент бағытында құрылысы жүріп жатқан облыстық маңызы бар жолдың сапасы мен жұмыстың салғырттығына байланысты, Түркістан облысының жолаушылар көлігі және автомобиль жолдары басқармасының мамандары мен мердігер компания өкілдері, технадзор мамандарын Құмкент ауылына арнайы шақырды.

Жиын барысында жол құрылысы жұмысының кешеуілдеуі мен жұмыс сапасының төмендігіне байланысты қоғамдық кеңес мүшелері тарапынан ескертулер, ауыл тұрғындары тарапынан бірқатар ұсыныс, пікірлер айтылды.

Ауыл тұрғындарымен бірлесіп осы уақытқа дейін жасалған жұмыстың сапасын бағалау үшін, арнайы мамандармен төселген жолға мониторинг жүргізілді. Анықталған кемшіліктерді түзетіп, ұсыныстар назарға алынатын болды.