Қазкеңес жаңалықтары
KazKENES жаңалықтарыАУҚЫМДЫ ТАЗАЛЫҚ ШАРАСЫ ӨТТІ
Бүгін Қосшы қаласы Қоғамдық кеңесінің төрағасы С. Матайбаева, кеңес мүшесі Е. Нұрахметов Ақмола облыстық Қоғамдық кеңесінің мүшесі, қалалық мәслихат депутаты И. Осиповамен, облыстық мәслихат депутаты А. Төребаевпен бірге сенбілікке қатысты.
Сарқырама өзенінің жағалау аймағында ұйымдастырылған тазалық шарасына еліміздің экология және табиғи ресурстар министрлігінің өкілдері, экологиялық ұйымдар қауымдастығының өкілдері, экологиялық реттеу, бақылау комитетінің өкілдері және өзге де экологиялық қозғалыстардың мүшелері, жастар ұйымдары мен студенттер қатысты.
Тазалық шарасына 200-ге жуық адам қатысты. Жиналған қоқыстың жалпы көлемі 50 текше метр.құрады. Қоқысты қайта өңдеуге жіберу мақсатында 112 кг. пластмасса және 8 кг. қалайы банкалар бөлек жиналды.
Мұндай сенбілікті өткізу аумақты тазартуға септігін тигізіп қана қоймай, экологиялық мәдениет пен қоршаған ортаға жауапкершілікпен қарауға тәрбиелейді. Тазалық әр адамның өзінен басталады. Қоршаған ортамызды, туған жерімізді таза ұстайық.