ҚР ЭМ Қоғамдық кеңесінің отырысы

---

ҚР ЭМ Қоғамдық кеңесінің отырысында қазақстандық кадрларды оқыту

және ҒЗТКЖ мәселелері талқыланды

 

            2024 жылғы 2 мамырда ҚР Энергетика министрлігінде энергетика
вице-министрі Асхат Хасеновтің қатысуымен Отын-энергетикалық кешен мәселелері жөніндегі қоғамдық кеңестің кезекті отырысы өткізілді.

            Қоғамдық кеңестің мүшелеріне  «Мұнай-газ кешеніндегі мемлекеттік инспекциясының батыс және оңтүстік өңіраралық басқармалары» РММ-ның, 2021-2023 жылдардағы көмір сутегі шикізаты бойынша ҒЗТКЖ (ғылыми-зерттеу және тәжірибелік-конструкторлық жұмыстар) «Техгарден» автономдық кластерлік қордың қызметі туралы  ақпарат беріліп, жер қойнауын пайдаланушылардың ҒЗТКЖ және қазақстандық кадрларды оқыту мен қаржыландыру бойынша келісімшарт міндеттемелерін орындауы туралы есебі тыңдалды.

            Сонымен қатар отырысқа ҚР Ғылым және жоғары білім министрлігінің, «Техгарден» АКҚ, «Қазақстан Республикасының отын-энергетикалық кешенінің ахуалдық-талдамалық орталығы» АҚ  өкілдері де қатысты.

           

                                                                            ҚР Энергетика министрлігінің баспасөз қызметі