Жамбыл облыстық Қоғамдық кеңесінің отырысында маңызды мәселелер қаралды

Жақында Жамбыл облыстық қоғамдықкеңесінің отырысы өтіп, бірқатар өзекті мәселелер қаралды.

Жиында алдымен облыс әкімі аппаратының мемлекеттік көрсетілетін қызметтерді мониторингілеу бөлімінің есебі тыңдалды. Бөлім басшысы Ғалия Боранбаева 2024 жылдың 1-ші тоқсанында басқармалардың мемлекеттік көрсетілетін қызметтер бойынша бағалау көрсеткіштері және мемлекеттік қызметтер көрсету саласындағы заңнаманың сақталуы бойынша жүргізілген бақылау шаралары туралы баяндады. Кеңес мүшелері мемлекеттік қызметтер көрсету барысында халықты толғандыратын проблемалар туралы сұрақтар қойып, есепті жан-жақты талқылады.

 Кеңес отырысында Жамбыл облысы әкімдігінің сәулет және қала құрылысы басқармасының басшысы Қарабалаев Айтқазы Дәулетқұлұлының Сыбайлас жемқорлық тәуекелдеріне ішкі талдау жүргізу нәтижелері туралы есебі қайта тыңдалды. Кеңес мүшелері басқарма басшысына қоғам тарапынан қала құрылысына, оның ішінде тұрғын үйлер құрылысының сапасына үнемі наразылық туындайтынын айта келе, мекемеде жемқорлық тәуекелдеріне жол бермеу қажеттігін ескертіп, есебін қанағаттанарлық деп бағалады.

 Сонымен қатар, жолаушылар көлігі және автомобиль жолдары басқармасының «Жолаушыларды әлеуметтік мәні бар тұрақты тасымалдау тарифтерін белгілеу туралы» облыс әкімдігінің қаулы жобасы және «Жамбыл облысының әлеуметтік маңызы бар қатынастардың тізбесін айқындау туралы» Жамбыл облыстық мәслихатының 2015 жылғы 25 қыркүйектегі № 40-13 шешіміне толықтырулар енгізу туралы» облыстық мәслихатының шешім жобасы талқыланып, кеңес мүшелері азаматтардың құқықтарына, бостандықтары мен міндеттеріне шектеу келтірмейтіндігі туралы шешім қабылдады.

Фото

Previous Next