Тұрақты комиссияның отырысы

27 наурызда «Ақтөбе қаласы әкімі аппаратына Мемлекеттік көрсетілетін қызметтер басқармасымен жүргізілген профилактикалық бақылау нәтижесі туралы» мәселе бойынша Ақтөбе қаласының Қоғамдық кеңесінің заңдылық, құқықтық тәртіп, жергілікті мемлекеттік басқару және өзін-өзі басқару мәселелері бойынша тұрақты комиссиясының отырысы өтті. Комиссия жұмысына Қоғамдық кеңес мүшелері, Ақтөбе қаласы әкімі аппаратының басшысы Ершеге Манас және мемлекеттік мекемелердің өкілдері қатысты. Мемлекеттік қызмет істері агенттігінің Ақтөбе облысы бойынша департаментінің бас маманы Шманов Мейірхан баяндама жасады.

ҚР Мемлекеттік қызмет істері агенттігінің төрағасының 2023 жылғы 7 желтоқсанындағы №239 бұйрығымен бекітілген профилактикалық жүргізілетін субъектілер тізіліміне сәйкес, Ақтөбе қаласы әкімі аппаратына а.ж. 11-26 наурыз аралығында Агенттіктің Ақтөбе облысы бойынша Департаментімен профилактикалық бақылау жүргізілді. Ақтөбе қаласының мемлекеттік органдарымен көрсетілетін мемлекеттік қызметтер туралы ақпаратты тыңдау барысында Қоғамдық кеңес мүшелері бірқатар өзекті сұрақтар қойып, ескертулер мен ұсыныстар енгізді.

Фото

Previous Next