2024 жылғы 17 мамырдағы Қобда аудандық қоғамдық кеңесінің кезекті отырысы

Ағымдағы жылдың 17 мамырында Қобда аудандық Қоғамдық кеңестің жылдық жоспарға сәйкес кезекті отырысы өтті.

⃣ Күн тәртібіне сәйкес келесідей тақырыптар талқыланды:
- көктемгі су тасқынынан зардап шеккен тұрғындарға көрсетілген гуманитарлық көмек туралы Аудандық іскер әйелдер қауымдастығының мүшесі, Белсенді өмір орталығының директоры Н. Ещанова және аудан еріктісі әрі қоғам белсендісі Ж. Еншібай баяндады;
- ауылдық округтердегі 4 деңгейлі бюджеттің бөлінуі, жұмсалуы туралы, 2023 жылғы бюджет жоспарлары орындалуының қорытындысы, 2024 жылға арналған бюджеттің жоспары туралы Қобда ауылдық округі әкімі аппаратының бас маманы Б. Умаров, И. Құрманов атындағы ауылдық округі әкімі аппаратының бас маманы Ж. Қарабатырова, Бегалы ауылдық округі әкімі аппаратының бас маманы Ә. Майлыбаева баяндап, кеңес мүшелерінің тарапынан туындаған сұрақтарына жауап берді;
- ауданымыздағы жастарға арналған кәсіпкерлік демалыс орындарын ашу туралы аудандық кәсіпкерлік бөлімінің басшысы К. Тулешева баяндады.

Отырыстағы тақырыптарға сәйкес кеңес мүшелері тарапынан бірқатар ұсыныс-пікірлер айтылып, хаттамаға тіркелді.

Сонымен қатар, жиын соңында төраға Ж. Жиеналин кеңес мүшелеріне жоспар кезегінде тұрған тақырыптарға байланысты бірқатар тапсырмалар берді.

Фото

Previous Next