Оңтүстік астанада құрылыс тақырыбы Сыбайлас жемқорлыққа қарсы қызметтің қоғамдық кеңесінің отырысында талқыланды.

---

26 сәуірде Алматыда ҚР Сыбайлас жемқорлыққа қарсы іс-қимыл агенттігінің Қоғамдық кеңесінің отырысы өтті. Күн тәртібінде Агенттік 2023 жылы әкімдікпен бірлесіп өткізген Алматы тау бөктеріндегі құрылыс саласындағы сыбайлас жемқорлық тәуекелдерін сыртқы талдау қорытындылары бойынша ұсынымдарды іске асыру мәселесі қаралды.
Осыған байланысты, отырыс барысында жауапты орындаушылар тарапынан ұсыныстарды орындаудың сапасы мен уақтылығына, формализмді жоюға ерекше назар аударылды.
Іс-шара аясында баяндамашылар жүргізілген жұмыстың нәтижелерін айтты. Мәселен, Алматы қаласының жаңа бас жоспары әзірленіп, бекітілді, онда табиғи сипаттағы төтенше жағдайларға ұшыраған аумақтар ескерілді.
Тұрғын аймақтан 229 га жер рекреациялық аймаққа қайтарылды, сібір жарасы бар жер учаскесі мемлекеттік меншікке берілді, барлық су объектілеріне түгендеу жүргізілді.
Тау бөктерінде анықталған 54 заңсыз объект бойынша мемлекет пайдасына 36 сот актісі өтті, оның 30-ы заңды күшіне енді, 2 заңсыз объект бұзылды, тағы 3-і бұзуды күтуде.
Сонымен қатар, мәжілісте бірқатар заң жобалары қаралуда, онда Агенттіктің ГАСК жауапкершілігін күшейтуге, ТЖМ-ге қала құрылысы жобаларын келісу бойынша өкілеттіктер беруге, жекелеген құрылыс ұғымдарын регламенттеуге және т.б. қатысты ұсынымдары ескерілген.