Қалалық Қоғамдық кеңестің кезекті отырысында ауыл шаруашылығын дамыту туралы мәселе көтерілді

Отырыста бөлім басшысы Еділ Кабикенов Тайтөбе ауылындағы ауылшаруашылығын дамыту туралы мәліметтерімен бөлісті. Бүгінгі күні ауылдың жалпы ауданы 847 гектарды құрайды. Ауылда 6 фермерлік және шаруа қожалықтары жұмыс істейді. Олардың қатарында «Абзал» ЖК, «Тайтөбе» ӘКК, «ШҚ Спан» ЖК, «ER AGRO» ЖШС, «HECTARE» ЖШС, «EL Qazyna» ШҚ, «Aqbura» ЖК бар. Аталған шаруа қожалықтары малды жаю, бордақылау, өсіру, уақытша ұстау және т.б. қызмет түрлерімен айналысады.

Ауылдағы жалпы тіркеудегі мал саны бойынша

- ірі қара мал-307 бас;

- ұсақ мал-600 бас

- жылқы-577 бас

- түйелер -54 бас

- құстар - 320 бас.

Ауыл шаруашылығын дамыту үшін бүгінгі күні 617 гектар жер ауылға қайтарылған.

Қоғамдық кеңес мүшелері отырыс барысында бөлім басшысынан жайылымдық жерлердің әлі де болса жеткіліксіз екенін, ауылдың жеріне (тіркеуден тыс) сырттан мал әкеліп қосушылардың көптігін ескертіп, осы және өзге де мәселелерді шешуді тапсырды.

Фото

Previous Next