Жануарлардың ветеринариялық қауіпсіздігі туралы

Облыстық қоғамдық кеңестің Агроөнеркәсіптік кешенді дамыту мәселелері жөніндегі комиссиясының отырысында жануарлардың ветеринариялық қауіпсіздігі, эпизоотия, жұқпалы және зең ауруларының өсуі туралы, аурулар мен инфекциялардың алдын алу мәселелері қаралды. Облыстың ветеринария басқармасының басшысы А. Уәлиевтің, облыстың ауыл шаруашылығы басқармасы басшысының орынбасары С. Шукурованың, Ақтоғай және Шарбақты аудандары әкімдері орынбасарларының, Аққулы, Баянауыл, Успен аудандарының ветеринариялық станциялары басшыларының ақпараттары тыңдалды. Сонымен қатар, қоғамдық кеңес мүшелері мал басы мен құстар санына есеп жүргізу мәселесін де талқылады. Осы мәселе жайлы мал және құс саны бойынша көрсеткіштерді қалыптастыру туралы Павлодар облысы бойынша статистика департаменті басшысының орынбасары Ж. Мағзамова хабарлады. Өткізілген отырыс қорытындылары бойынша облыстың ветеринария, ауыл шаруашылығы басқармаларына, қалалар мен аудандар әкімдіктеріне ұсыныстар берілді.

Фото

Previous Next