Сыбайлас жемқорлық тәуекелдерін сыртқы талдау нәтижелері бойынша есептерді тыңдау туралы

Облыстық қоғамдық кеңестің азаматтардың құқықтарын, заңды мүдделерін қамтамасыз ету және сыбайлас жемқорлық көріністеріне қарсы іс-қимыл жөніндегі комисиясының, Ақтоғай, Железин, Ертіс, Май және Павлодар аудандарының сыбайлас жемқорлық тәуекелдерінің ішкі талдау нәтижелерін талқылау бойынша кезекті бірлескен отырысы өткізілді. Облыстың сәулет және қала құрылысы, мемлекеттік сатып алу, жер қатынастары, жолаушылар көлігі және автомобиль жолдары, энергетика және тұрғын үй-коммуналдық шаруашылық басқармаларының, Ақтоғай, Железин, Ертіс, Май және Павлодар аудандары әкімдіктерінің есептері тыңдалды. Отырысқа сыбайлас жемқорлыққа қарсы комиссар, Сыбайлас жемқорлыққа қарсы қызметтің Павлодар облысы бойынша департаментінің Превенция басқармасы басшысының орынбасары Д. Каукенов қатысты. Қоғамдық кеңес мүшелерінің облыстың энергетика және тұрғын үй-коммуналдық шаруашылық басқармасы басшысының орынбасары Г. Арыноваға, облыстың жолаушылар көлігі және автомобиль жолдары басқармасының басшысы орынбасарының міндетін атқарушы И. Беймге, Павлодар ауданы әкімінің орынбасары Г. Сейтқазинаға, облыстың жер қатынастары басқармасының төлемдерді талдау және жерге орналастыру бөлімінің басшысы Н. Мұқановқа көптеген сұрақтары болды. Өткізілген отырыс қорытындылары бойынша қоғамдық кеңес мүшелерімен басқармаларға, қалалар мен аудандар әкімдіктеріне ұсыныстар берілді.

Фото

Previous Next