Қазкеңес жаңалықтары

АУРУХАНА МЕН МҮГЕДЕКТЕРГЕ КӨРСЕТІЛЕТІН КӨМЕКТЕР МӘСЕЛЕСІ ТАЛҚЫЛАНДЫ

АУРУХАНА МЕН МҮГЕДЕКТЕРГЕ КӨРСЕТІЛЕТІН КӨМЕКТЕР МӘСЕЛЕСІ ТАЛҚЫЛАНДЫ

Түрлі саладағы маңызды мәселелерді талқылау алаңына айналған қоғамдық кеңестің кезекті отырысы аудан халқына медициналық қызметтің көрсетілу жәй күйі мен мүгедектігі бар азаматтарға көрсетілетін мемлекеттік қолдаулар мен жұмыссыздық мәселесі болды. Аудандық мәслихат депутаттарымен бірлескен түрде өткен мәжіліске аудан әкімінің орынбасары, округ әкімдері, жауапты сала басшылары қатысып, аудандық қоғамдық кеңес төрағасы Ж.Ізбасқан мен аудандық мәслихат төрағасы Т.Бейсқали жүргізіп отырды.

Кеңес отырысының күн тәртібіндегі бірінші мәселе аудан халқына медициналық қызметтің көрсетілу жәй күйі бойынша аудандық аурухана директоры А.Тилемисованың айтуынша аудан бойынша Аудан тұрғындарына 52 дәрігер медициналық көмек көрсетеді. Олардың 1 - жоғары санатты, 3 - І санатты, 3-ІІ санатты мамандар. Сонымен қатар, 303 орта буын медицина қызметкерлері жұмыс жасауда. «Білікті мамандар мен жаңа технологиялардың жетіспеушілігі күн тәртібімнен түспей, облыстық басқармаға әр жиын сайын ұсынып отырмын» деді ауданның бас дәрігері Айнұр Төребекқызы.

Мәжілісте аудандағы орталық аурухана қызметі, ауылдық округтердегі дәрігерлік, фельдшерлік амбулатория жұмысы, тұрғындардың медициналық көмектерді уақытылы және сапалы алулары бойынша қоғамдық бақылау мен тұрғындар арасында жүргізілген сауалнама нәтижесі туралы кеңес мүшесі Ж.Ибрашов хабарлама жасады.

Мониторинг барысында анықталған кемшіліктер мен ескертпелер кеңес отырысында ашық талқыланып, ұсыныс берілді.

Сонымен қатар, мүгедектігі бар азаматтарға көрсетілетін мемлекеттік қолдаулар мен жұмыссыздық мәселесі туралы аудандық жұмыспен қамту және әлеуметтік бағдарламалар бөлімінің басшысы А.Ғазезова және «Мансап» орталығының директоры Н.Бекешов хабарлама жасады.

Мүгедектігі бар азаматтармен жұмыс барысы, көрсетіліп жатырған көмектер, ем шаралары туралы қоғамдық бақылау жүргізген аудандық мәслихат депутаты Ж.Кенжин қорытынды сөз сөйлеп, мәселелер орталық талқыланып, ұсыныс берілді.

Фото