Жарма ауданының Қоғамдық кеңес отырысы

Қоғамдық Кеңес отырысы

2024 жылдың 20 маусымында сағат 10:00-де Жарма ауданы әкімдігі  ғимаратының Кіші залында, Абай облысы Жарма ауданының Қоғамдық кеңесінің кезекті отырысы өтті.

Кеңестің бұл жолғы отырысында Абай облысы Жарма ауданы әкімінің міндетін уақытша атқарушы – Райым Жалдаспекович Нургалиевтың «Оқушылар мен жасөспірімдер арасындағы құқық бұзушылықтың алдын-алу, кәмелетке толмағандар ісі және олардың құқықтарын қорғау жөніндегі комиссияның жұмысы туралы», Абай облысы Жарма ауданының білім бөлімінің басшысы – Қанат Рымханович Шаймұратовтың «Аудан мектептерінің оқушыларын тегін тамақпен қамтамасыз ету және аудан мектептерінің бүгінгі күн талаптарына сай жабдықталуы туралы» есеп берді.

Сонымен қатар, «Аудандағы мәдениет үйлері, ауыл клубтары, кітапханалардың жағдайлары мен онда атқарылып жатқан жұмыстардың барысы туралы» Абай облысы Жарма ауданының мәдениет, тілдерді дамыту және спорт бөлімінің басшысы – Маржан Алимхановна Асанованың, «Жарма ауданында автокөлік жолдарын салу, реконструкциялау, жөндеу және күтіп ұстау жұмыстарын ұйымдастыру туралы» - Абай облысы Жарма ауданының тұрғын үй-коммуналдық, шаруашылық, жолаушы тасымалдау көлігі және жолдары бөлімінің басшысы – Рауан Болатович Баиловтың, «Әлеуметтік маңызы бар азық-түлік тауарларының бағасын тұрақтандырудағы жұмысы туралы, шағын және орта бизнесті дамыту туралы», Абай облысы Жарма ауданының кәсіпкерлік және ауыл шаруашылығы бөлімі ММ-нің басшысы міндетін атқарушы – Гульназ Кенжебаевна Абишеваның есептері тыңдалды.

Күн тәртібіндегі сұрақтарды талқылау барысында Кеңес мүшелерімен көтерілген мәселелер жөнінде мекеме басшыларына тиісті ұсыныстар ұсынылды.

Сонымен қатар, Қалбатау ауылы бойынша наубайханалар мен тамақтану орындарының санитарлық-эпидемиологиялық талаптарының сақталуын қадағалау, баға тұрақтылығы, ауыл аралық жол жөндеу жұмыстары сияқты мәселелері кеңінен талқыланды.

Фото

Previous Next