Қоғамдық кеңес мүшелері депутаттармен бірлесіп Тұңғыш Президент атындағы саябақта орналасқан Аттракциондардың жұмысына мониторинг жүргізді

Демалыс және экстремалды ойын-сауық саябақтары маусымының басталуына орай, Ақтөбе қалалық мәслихатының депутаттары және қалалық Қоғамдық кеңесінің мүшелері Тауасаров Даурен, Наурзбаев Саламат, Хамзин Рүстем, кәсіпкерлік бөлімінің мамандары, сондай-ақ «Қазақстандық стандарттау институты» РМК АФ өкілдерімен бірлесіп тұңғыш Президент атындағы саябақта орналасқан аттракциондардың жұмысын мониторинг жүргізді.

Мониторинг барысында жұмыс жасап тұрған және жаңадан пайдалануға берілетін аттракциондардың иелері мен жалға алушыларына, техникалық және қызмет көрсету персоналына ҚР СТ-3359-2019 ұлттық стандартында белгіленген аттракциондарды келушілердің қауіпсіздігін қамтамасыз етуге, техникалық күтіп ұстауға және апатсыз пайдалануға қойылатын негізгі ұйымдастырушылық және техникалық талаптар тексерілді.

Белгілі талаптарға сәйкес, кәсіпкерлер аттракциондарды жыл сайын техникалық куәландыруден өткізіп, оларды қауіпсіз пайдалануға мемлекеттік бақылауды жүзеге асыратын жергілікті атқарушы органда есепке қоюға, монтаждау жұмыстарын жүргізуге, пайдалануға рұқсат алуға, аккредиттелген зертханада сертификат алуға тиіс. Оған рұқсат алу үшін сараптама тобының қорытындысы негіз бола алады. Мониторингтік жұмыс қорытындысы бойынша депутаттар мен Қоғамдық кеңес мүшелері тарапынан аттракциондарды техникалық куәландырусыз және олардың жұмысына тұрақты бақылаусыз, бекітудің кез келген элементіне немесе торабына зақым келген кезде, сондай-ақ қолайсыз ауа райы жағдайларында пайдалануға жол бермеуге ұсынымдар берілді.

Бұл бағыттағы жұмыс жаз бойы, маусым жабылғанға дейін өз жалғасын табатын болады.

Фото

Previous Next