Тұрақты комиссияның отырысы

Ақтөбе қалалық мәслихатының заңдылық, құқықтық тәртіп, жергілікті мемлекеттік басқару және өзін – өзі басқару мәселелері бойынша тұрақты комиссия отырысы өтті.

Комиссия жұмысына Ақтөбе қаласының Қоғамдық кеңесінің төрағасы Ахат Мырзалин қатысты.

Күн тәртібінде қазіргі таңда өзекті мәселелердің бірі ➖
қала аумағындағы синтетикалық есірткі сатуға қарсы күрес және интернет алаяқтықтың алдын алу туралы сұрақтары қаралды.
Ақтөбе қаласының полиция басқармасының 2024 жылдың 5 айының қорытындысы бойынша қала аумағында Ақтөбе қаласы ПБ қызметкерлерімен өткізілген мақсатты жедел-іздестіру іс-шаралары барысында 61 есірткіге қатысты құқық бұзушылықты, синтетикалық есірткіні заңсыз айналымынан алумен байланысты 25 құқық бұзушылық анықталған, оның ішінде 20 қылмыс. Қазіргі уақытта есірткі құралдарын насихаттау және тарату белгілері бар «Telegram» сілтемелері мен мессенджерлерін бұғатталған 170 сайт бар. 2024 жылдың 5 айының қорытындысы бойынша есерткіге қарсы 300 іс-шара өткізілген.
Соынмен қатар, ағымдағы жылдың 5 айының қортындысы бойынша алаяқтықты тіркеудің - 10,0 % (580-ден 638-ге) өсуі байқалады, оның ішінде интернет-алаяқтықты тіркеу - 0,7 % ға өсті (295-тен 297-ге) немесе барлық алаяқтықтарды тіркеудің 46,5% құрады.

Тіркелген 297 қылмыстың интернет хабарламалары бойынша интернет жарнамаларда тауарлармен қызметтерді төлеу және алдын ала төлеу бойынша 143 факт, жобаларға инвестицияға, спорттық ойындарға және т.б. – 25 факт, құқық қорғау органдарымен банктің қауіпсіздік қызметінің жалған қызметкерлерінің қоңырау шалуымен 77 факт, 25 факт пайданың көбейту сылтаумен арқылы, 15 факт WhatsApp қолданбаны бұзу арқылы, 12 факт басқа әдістермен. Ағымдағы жылы келтірілген шығынның жалпы залал мөлшері 840,4 млн. теңге құрайды. Шамамен зардап шекккендерге бұл соманың 8 млн тенгесі қайтырылған, яғни ол 0,97% құрайды. Әрине, бұл көрсеткіш өте аз. Қазіргі таңда, интернет алаяқтық өзекті мәселе болып табылады. Тек Ақтөбе қаласының тұрғындары емес, басқа да қалалардың тұрғындары зардап шегіп отыр.

Фото

Previous Next