Тұрақты комиссияның отырысы

Ақтөбе қалалық мәслихатының әлеуметтік-мәдени даму және жастар ісі бойынша мәселелері бойынша тұрақты комиссиясының отырысында «Дара бала» балаларға қосымша білім беруге мемлекеттік тапсырысты орналастыру платформасының жұмысы туралы мәселесі қарастырылды.

Комиссия жұмысына Ақтөбе қаласының Қоғамдық кеңесінің төрағасы Ахат Мырзалин қатысты.

Мемлекеттік шығармашылық тапсырыс 2021-2022 жылдары «Artsport.edu.kz», 2023 жылдан бері «Darabala.kz» ақпараттық порталында жүзеге асырылып келеді. Жүйенің ерекшелігі - бір платформада үш бағыт, яғни спорт секциялары, шығармашылық және білім беру үйірмелері біріктірілген.

Ақтөбе қаласының білім бөлімі басшысының орынбасары Жұлдыз Шалабаеваның мәліметіне сейкес, 2023 жылы «Еңбек нарығының қажеттіліктерін ескере отырып, мектепке дейінгі тәрбие мен оқытуға, орта білім беруге, балаларға қосымша білім беруге және техникалық және кәсіптік, орта білімнен кейінгі білімі бар кадрларды даярлауға мемлекеттік білім беру тапсырысын орналастыру қағидасына сәйкес Ақтөбе қаласына 2840 орын бөлінді. Дара бала платформасы бойынша 6 бағытта 43 өнім беруші 29 үйірме бойынша өтінім беріп, 26 өтінім берушінің құжаттары талапқа сай болып, 2023 жылдың сәуір-желтоқсан аралығында 2840 білім алушы қамтылды.

Ал, шығармашылық тапсырыс негізінде барлығы 48 өнім беруші тіркелген, оның ішінде 43 өнім беруші шығармашылық үйірмелер ашып, жұмыс істеуде. Бүгінгі күні өнім берушілердің көпшілігі Батыс-2, 12 шағын ауданы, Нұр Ақтөбе аудандарында орналасқан, сонымен қатар, Әбілқайыр, Есет батыр, Заречный, Ибатова, Мира, Әйтеке би, Т.Ахтанов, Набрежный, М.Мәметова, Энергетик, Кирпичный (Бұлақты к-сі), Жаңажол, Авиагородок, Әкімжанов, Рысқұлов, Шәйкенов көшелерінде шығармашылық үйірмелер ашылған. Мемлекеттік шығармашылық тапсырысты өңірімізде жүзеге асыру үшін 2023 жылы облыстық бюджеттен 1,4 млрд. теңге қаражат бөлініп, оған 8416 бала тегін шығармашылық үйірмелермен қамтамасыз етілді. Үйірме саны –198. Ағымдағы жылы 1,1 млрд. теңге қаражат бөлініп, бүгінгі күні шығармашылық үйірмелерге қамтылған бала саны - 7399. Ал, спорт секциялары бойынша: 5 жастан 17 жасқа дейінгі балаларға арналған 20 спорт түрі қарастырылған.

Фото

Previous Next