Қоғамдық кеңес отырысы

ТАСҚЫННАН БҮЛІНГЕН ЖОЛДАР ҚАЛЫПҚА КЕЛМЕК

Бүгін аудандық қоғамдық кеңестің кезектен тыс отырысы өтті. Күн тәртібінде қоғамдық кеңестің төрағасы мен жаңа кеңес мүшесін сайлау және аудандағы тасқын салдарынан бүлінген жолдарды қалыпқа келтіру.

Отырыста алдымен кеңес мүшелері аудандық қоғамдық кеңес төрағасын сайлады. Бұл лауазымға ауданның Құрметті азаматы, ауылшаруашылығы саласының ардагері Ибрашов Жолдас Камелұлы ұсынылып, жиналғандар бірауыздан дауыс берді.

Кеңес отырысына арнайы қатысқан облыстық жолаушылар көлігі және автомобиль жолдары басқарма басшысы Мұханбеталиев Әлібек Максимұлы келіп, құрылыс мәселенің тұздығына айналған көпір және тасқын су салдарынан бүлінген жол мәселесі туралы:

-Былтырғы жылы да сіздермен кездесіп осы жол мәселесін талқылаған болатынмын. «Миялы-Жангелдин» бағытындағы жырылған тас жолға көпір салу бойынша жобаға түзетулер енгізіліп сараптамадан кеш шығуына байланысты қыс айларына таяп былтыр құрылыс толықтай жүргізілмеді. «АИС» ЖШС-мен аталмыш жұмыс жалғасын табатын болады. Жалпы жобалық сметалық құжаттамасына сәйкес мердігерге құрылысты аяқтау үшін 8 ай уақытта беріледі. Алайда біз мердігермен келісіп 1 қарашаға дейін толықтай жұмысты аяқтауды тапсырдық. Сонымен қатар, көпірден басқа тасқын судан бүлінген тасжолдардың да жобалық сметалық құжаттамалары дайын. «Ассана дорстрой» мердігер мекемесі екі күннен кейін жұмыстарға толығымен кіріседі,- деді.

Сонымен қатар, облыстық маңызы бар тасжол бойындағы «Сағыз-Миялы» бағыты бойынша жобалық сметалық құжаттама дайындалуда. 2025 жылы аталмыш жолдың құрылысы басталатын болады.

Фото

Previous Next