Сыбайлас жемқорлыққа қарсы іс-қимыл мәселелері

Ақтөбе облысы Қоғамдық кеңесінің заңдылық, тәртіп және сыбайлас жемқорлыққа қарсы іс-қимыл мәселелері жөніндегі комиссиясының отырысы өтті.

Отырысқа Ақтөбе облысы Қоғамдық кеңесінің заңдылық, тәртіп және сыбайлас жемқорлыққа қарсы іс-қимыл мәселелері жөніндегі комиссия мүшелері және тұрғын үй-коммуналдық шаруашылық мәселелері жөніндегі комиссия мүшелері, Ақтөбе облысы бойынша жолаушылар көлігі және автомобиль жолдары басқармасы басшысының м.а - Аманбаев Е.Б., Ақтөбе облысы бойынша жолаушылар көлігі және автомобиль жолдары басқармасының бөлім басшысы – Қайер А.М., облыстық білім басқармасының басшысы – Сұлтан Ж.И., «Қазавтожол» ҰК» АҚ Ақтөбе облыстық филиалы директорының м.а. - Уразгалиев Р.К. қатысты.

Отырыс барысында білім саласындағы сыбайлас жемқорлыққа қарсы іс-қимыл бойынша, автомобиль жолдары құрылысы саласы және халықаралық және республикалық маңызы бар автомобиль жолдарын басқару бойынша атқарылған жұмыстар туралы сөз қозғалды.

Сыбайлас жемқорлық тәуекелдерін барынша азайту және жемқорлыққа қарсы мәдениетті қалыптастыру мәселелері талқыланды. Көтерілген сұрақтар әр жергілікті білім беру ұйымдарының және білім бөлімдерінің назарында болу керектігі туралы баса айтылды.

Комиссия отырысының қорытындысы бойынша бірқатар ұсыныстар қабылданып, қатысушылар өзара пікір алмасты.

Фото

Previous Next