«Қаздар қонысы» ескерткішінің тағдыры туралы

«Павлодар облысының ғылыми және туристік әлеуетінің құрамдас бөлігі ретінде «Қаздар қонысы» палеонтологиялық ескерткішінің тағдыры» Н.А. Нәбиевтің төрағалығымен өткен облыстық қоғамдық кеңес Төралқасының отырысында талқыланған тақырыпқа айналды. Қоғамдық кеңес мүшелері жетекші ғылыми сарапшыларды тарта отырып, табиғат ескерткішінің қазіргі жағдайын бақылау бойынша алдын ала жұмыс жүргізді. Бүгінгі таңда түр құрамының әртүрлілігі мен сүйектердің сақталуы жағынан «Қаз қонысы» әлемге әйгілі жиырма палеонтологиялық ескерткіштердің біріне кіреді және халықаралық эталон болып табылады. Бұл оның бірегейлігі мен әлемдік маңыздылығы. Ғалымдардың пікірінше, ескерткіш сілеміндегі сүйекті қабатта әлі де болса соңғы миоцен дәуіріндегі ірі және ұсақ жануарлардың қалдықтары өте көп. 60-тан астам ашылған түрге жаңа құстарды, бауырымен жорғалаушыларды және ұсақ сүтқоректілерді қосуға болады. Қаздар қонысының учаскесі біздің тамаша жағалауымыздың бөлігі болып табылады, бірақ ғылыми, экологиялық, туристік және эстетикалық жағынан шешілмеген мәселелерге байланысты диссонансқа ұшырады. Қоғамдық кеңес «Қаздар қонысы» мәселесін бұдан былай кейінге қалдыруға болмайды деп есептейді, өйткені жағдай шынымен қиын. Әлемдік деңгейдегі ғажайып табиғат ескерткіші мен заманауи туристік кешеннің орнына ол, шын мәнінде біздің тамаша жағалауымызға сәйкес келмейтін қоқыс үйіндісіне ұқсас, көріксіз аумаққа айналып барады. Әрине, Елбасының тапсырмасы да біз үшін өте маңызды. Қоғамдық кеңес «Қаздар қонысы» мәселелерін кешенді шешу үдерісін бастауға бастамашылық етеді. Айтылған пікірлер мен қалауларды ескере отырып, тиісті инстанцияларға ұсыныстар дайындалатын болады.

Фото

Previous Next