Қазкеңес жаңалықтары
KazKENES жаңалықтарыШыңғырлау ауданы Қоғамдық кеңес отырысы
ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ
«AMANAT» партиясы Шыңғырлау аудандық филиалының мәжіліс залында аудандық Қоғамдық кеңестің кезекті отырысы өткізілді. Аталған жиынды кеңес төрағасы Серікбай Жұмағұлов жүргізді.
Сонымен қатар, кеңес отырысына аудан әкімінің орынбасары, аудандық мәслихат депутаттары, қоғамдық кеңес мүшелері, тиісті мекеме басшылары, арнайы шақыртылған тұлғалар (Шыңғырлау Орал бағытындағы такси қызметінің өкілі ) және БАҚ өкілдері қатысты.
Жиынның күн тәртібінде төрт мәселе қаралды.
1. Жалдамалы автокөлік иелерінің (Шыңғырлау-Орал бағытындағы такси қызметі бойынша) жол ақысын көтеру туралы;
2. Ауылішілік көшелердегі жарық шамдары, жолдардың күтіп- ұсталуы туралы мәселелер туралы;
3. Аудан аумағындағы тазалық мәселесі туралы;
4. Ауданда өткізіліп жатырған мәдени көпшілік іс-шаралар туралы.
Бірінші кезекте аудандық мекеме басшылары баяндама оқып, ақпараттармен бөлісті. Кейін аудандық қоғамдық кеңес мүшелері күн тәртібіндегі мәселелерге қатысты сұрақтарын қойып, пікір білдіріп талқылады.
Жиын барысында такси қызыметін ұсынушы тұлғалар тарапынан Шыңғырлау-Орал бағытындағы жол жүру ақысын 2500 тенгеден 2800 тенгеге көтеру мәслесесін қозғады. Бұл сұраққа қоғамдық кеңес мүшелері жол ақысының көтерілуіне қарсы пікір білдіріп, бірауыздан қарсы дауыс берді.
Шыңғырлау колледжінің алдындағы автокөлік жолына жаяу жүргіншілер өткелін немесе арнайы жол белгілерін қою, Л.Қылышев атындағы мектептің артына салынған ашық стадион айналасын тегістеу, тазалық жұмыстарын үнемі жүргізу, аудан аумағындағы кейбір көшелердің істен шыққан жарық шамдарын ауыстыруы, тұрғындардың өз үйлері айнапласына үнемі тазалық жұмыстарын жүргіздіру бағытында еріктілерді жұмылдыра отырып, арнайы жадынамалар тарату, ауылдық округтердегі мәдениет үйлерінің сыртқы қоршауларын ретке келтіру секілді ұсыныстар еңгізілді.
Күн тәртібіне ұсынылған мәселелер жеке - жеке дауысқа салынып, қорытынды шешімдер шығарылды.
Жиын соңында кеңес төрағасы қорытындылап, хаттамалақ тапсырмалар берді.