Облыстық қоғамдық кеңес Қаздар қонысының мүшкіл жағдайын бақылауда

Бүгін, 7 тамызда өңірдегі экологиялық ахуалды жақсарту мәселелері жөніндегі комиссияның төрағасы Владимир Александрович Берковскийдің жетекшілігімен Павлодар облысының Қоғамдық кеңесінде Қаздар қонысының табиғи ескерткіш және өңіріміздің туристік объектісі ретінде тағдырын шешу бойынша кезекті отырыс өтті. Осы жылдың көктемінде бұрын-соңды болмаған тасқындар мен Ертістің тасып кетуінен кейін қоғамдық кеңеске қоғам белсенділері мен ғылыми қызметкерлер көптен бері шешілмей келе жатқан Қаздар қонысы бойынша мәселесін шешуде көмек сұрады. Ғылыми қызметкерлер, қоғам белсенділері мен мамандар арасынан сараптамалық топ құрылды. Ғылыми консультациялар жүргізіліп, Қоғамдық кеңес мүдделі мемлекеттік органдардан ресми мәліметтерді сұратты. 17 шілдеде Қоғамдық кеңес төралқасының отырысы өтті, онда Қоғамдық кеңестің Қаздар қонысының тағдыры бойынша жұмысты қолдау және бақылау туралы шешімі қабылданды. 22 шілдеде кеңесу қорытындылары бойынша Қоғамдық кеңестің ұсыныстарымен облыс әкіміне хат жолданды. Қаздар қонысы құжаттарға сәйкес және шын мәнінде, халықаралық деңгейдегі табиғи ескерткіш және неоген дәуірінің үлгілік палеонтологиялық табиғи ескерткіші болып табылады. Ескерткіштің әлеуеті әлі таусылған жоқ. Көптеген сүйек қалдықтарымен үш сүйек көтеретін линзалардың болуы туралы ғылыми дәлелдер бар. Табиғат ескерткішін қорғау және күтіп-ұстау заңнамалық нормаларға сәйкес келмейді және оның бұзылуына және сүйек қалдықтарының жоғалуына, жалпы алғанда жағалаудың бұзылуына әкеліп отыр. Табиғат ескерткіші қазіргі күйінде толыққанды туристік нысан болып табылмайды, ғылыми және ғылыми-ағарту жұмыстарын жүргізуге арналған объек болып табылмайды. Осыған байланысты, Сараптама тобы және Қоғамдық кеңес мүшелері келесіні ұсынады: 1 кезең - табиғат ескерткіші аумағының периметрі бойынша қоршау жасау; 2 кезең - жағалау сызығын нығайту және аумақ учаскесін ішінара сақтай отырып, қорғаныс құрылыстарын салу; 3 кезең - шекаралық аймақта павильон құру және ескерткіш аумағының өзін жайластыру, ғылыми және ғылыми-ағарту жұмыс жасау үшін орталық және толыққанды туристік нысан құру. Қоғамдық кеңес мүшелерінің пікірінше, бұны Республикалық маңызы бар ескерткіш аумағын ҚР Экология және табиғи ресурстар министрлігінен ҚР Мәдениет және ақпарат министрлігіне, одан кейін таңдау бойынша, Павлодар облысының тілдерді дамыту және архив ісі басқармасының балансына тапсыру арқылы жасауға болады. Қаздар қонысы мәселесімен айналысқандар көп, түрлі жобалар мен ұсыныстар болды, сондықтан осы ұзаққа созылған процесті логикалық соңына жеткізу павлодарлықтар үшін абыройлы іс. Оның үстіне Президентіміз Қ.К. Тоқаев 2022 жылы Павлодар облысына келгенде бұл мәселеге назар аударған. Сондай-ақ, Қаздар қонысы мен туризмді дамыту бойынша ілеспе шешімдердің бірі ретінде Ертіс өзені ағатын үш елден: Монғолия, Қытай, Ресейден қонақтарды шақырумен екі күндік мереке форматында Ертіс Күнін қайта жаңғырту ұсынылады. Екінші күні мәдени-көпшілік іс-шаралар, ал бірінші күні – экологиялық науқандар мен ғылыми конференциялар жоспарланатын болады. Осы форумдарда біз Ертіс және Қаздар қонысы проблемаларына қатысты мәселелердің шешілу барысын қадағалайтын боламыз. Мұндай ұсыныс қазіргі сәтте өңіріміздің басшысы үшін дайындалуда.

Фото

Previous Next