Жаңаарқа ауданында өткен жылжымалы отырыс

Ұлытау облысының Қоғамдық Кеңесі- төраға Бауыржан Жаппасұлы Бегеновтың  бастамасымен Жаңаарқа ауданында жылжымалы отырыс өтті. Жиынға аудан әкімі Қанат Қожықаев, аудан әкімінің аппараты, ақсақалдар, аудандық қоғамдық Кеңес мүшелері, кәсіпкерлер қатысты. 

Аудан әкімі- Қанат Қожықаев облыстық Қоғамдық Кеңестің алдында атқарылған жұмыстар жөнінде есеп беріп, ең алдымен ол ауданның әлеуметтік-экономикалық даму барысына тоқталды.

Қанат Шұбайұлының айтуынша, Жаңаарқада 2023 жылы ауыл шаруашылығының барлық санаттары бойынша өндірілген өнім көлемі 42 млрд. 315,6 млн тг құрады. 
Егістік жинау жұмыстары 100% орындалды.  

"Мансап орталығы" арқылы "2021-2025" жылдарға арналған кәсіпкерлікті дамыту жөніндегі ұлттық жоба" аясында бизнес идеяларлы іске асыруға арналған мемлекеттік гранттар әлеуметтік осал топтағы 20 адамға 27 млн. 600 мың теңге берілді. 
Жалпы, аудан әкімі өз баяндамасында барлық салаларды қамтыды. 

Биылғы жылы бюджеттің кірісі 11 млрд. 74 млн. 474 мың теңгені құрады. Сонымен қатар,  Қожықаев Жаңаарқа ауданының өсуіне байланысты,қосымша инфрақұрылымның қажеттігін ерекше атап өтті. 

Өз кезегінде, Ұлытау облысының Қоғамдық Кеңесінің төрағасы Жаңа-Арқалық шаруа қожалықтарына үкімет тарапынан берілетін жеңіл несие түрлері жайлы түсіндірді.  

Жиынға қатысқан ақсақалдар біршама өзекті мәселелерді айтып, өз ойларын ортаға салды. 
Жиыннан соң, ҚК мүшелері облыс әкімдігінен грант алған кәсіпкерлермен кездесу өткізіп,  Логопедиялық кабинет ашқан Амангелді Ақерке, "Гулдер әлемі" дүкенінің иесі Марат Ақмарал және фотостудия директоры Ерубаев Мадиярдың бизнестерімен танысты

Фото

Previous Next