Шаңғы базасының құрылысы бақылауда

Павлодар облысының Қоғамдық кеңесі «Зеленая роща» шаңғы базасының (немесе жобада көрсетілгендей шаңғы және биатлон секциясына арналған спорт залының) әкімшілік ғимаратының құрылысын бақылауды жүзеге асыруда. Сондай-ақ павлодарлықтардың осы демалыс аймағындағы роликті шаңғы жолын қайта жаңғырту жұмыстары да ерекше бақылауда. Бүгін қоғамдық кеңес мүшелері спорт қоғамдастығы өкілдерімен бірге аталған объектілерде жүріп жатқан құрылыс жұмыстарына мониторинг жүргізді. Құрылыс аяқталған соң Павлодардың ең көрікті жерлерінің бірінде республикалық деңгейдегі спорт нысаны павлодарлық спортшылар үшін өз есігін ашатыны қуантады. Зеленая роща аумағындағы осыған байланысты тәртіп орнату қоғамдық кеңес отырыстарында талай рет көтерілген есірткі салушыларға қатысты мәселесі де шешілетін болады деп сенеміз. Павлодар қаласы құрылыс бөлімінің өкілдері шаңғы базасы қыркүйек айында дайын болады, ал роликті шаңғы жолын қайта құру одан да ертерек аяқталады деп сендірді. Павлодар облысының әкімі Байханов Асайын Қуандықұлына павлодарлық шаңғышылар мен биатлоншылардың тілектеріне қамқорлық танытқаны үшін алғыс айтқымыз келеді. Ол қала әкімі бола тұра, сол кезде осы объектінің құрылысына бастамашылық еткен. Сондай-ақ, қыркүйек айында қала басшылығына және спорт нысандарын сапалы тапсырғаны үшін құрылысшыларға алғыс айтатын боламыз деп сенгіміз келеді. Өйткені, павлодарлық шаңғышылар қыркүйекте өтетін шаңғы базасының салтанатты ашылуына шаңғы жарысынан олимпиада чемпионы, Қазақстан шаңғы жарыстары федерациясының төрағасы Владимир Михайлович Смирновты шақыруды жоспарлап отыр. «Зеленая роща» шаңғы базасының арқасында өтетін осындай ашылудан кейін облысымыздан шаңғы жарысы мен биатлоннан жаңа Олимпиада чемпиондары шығады деп сенеміз. Ал Зеленая роща республикалық деңгейдегі тартымды спорттық-туристік нысанға айналатын болады. О.В.Николашин, облыстық қоғамдық кеңесітің мүшесі

Фото

Previous Next