ҚОҒАМДЫҚ ЭКО-БАҚЫЛАУ ЖАЛҒАСУДА

Жұртшылықты табиғатты қорғауға және оған ұқыпты қарауға, проблемалық мәселелерді анықтап, азаматтық қоғамды белсенді тарта отырып шешу мақсатында ҚР Мәдениет және ақпарат министрлігінің ұйымдастыруымен Қоғамдық эко-бақылау республикалық акциясы жалғасуда. 

Аталған акция 4 тақырыптық апта шеңберінде өткізілуде. Абаттандыру, оның ішінде жасыл желектерді күту және суару саласындағы эко- мониторинг апталығы 18-25тамыз аралығында өткізілуде. 

Апталық аясында Жамбыл облыстық Қоғамдық кеңесінің эко-мониторинг тобының мүшелері Берік Тілебаев, Жанар Орынбаева Тараз қаласының Қ. Рысқұлбеков атындағы саябағы және теміржолшылар саябағының жай-күйіне бақылау жүргізді. 

Шара барысында Қ.Рысқұлбеков атындағы саябақта жасыл желектердің басым бөлігіне үнемі күтім жасалатыны, уақытылы суарылатыны анықталды. 
Дегенмен, Желтоқсан монументі жанындағы субұрқақтың іске қосылмауы, суының көгеріп ескіргені, сыртқы кафельдердің түсуі, Қойгелді көшесі жағынан саябақты суару жүйесі іске қосылмай, ағаштардың құрғап кетуі Тараз қаласының орталығында орналасқан тұрғындар жиі демалатын орынға күнделікті бақылау жүргізілмейтінін көрсетеді. 

Ал, теміржолшылар саябағы аталатын демалыс орнының жай-күйі, санитарлық жағдайы өте нашар. Атап айтқанда, саябақтың барлық орындықтары жанында тұрмыстық қоқыстар үйіліп қалған, жасыл желектердің мүлдем суарылмаған. 
Аталған саябаққа ұзақ уақыттан бері күтім жасалмаған. 

Тұрғындардың айтуынша саябақта кешкі уақыттан бастап таң атқанша мотоцикл, мопед иелері түнгі уақытта рұқсат етілмеген жарыстар ұйымдастырады, шулы қозғалыстар түн тыныштығын бұзады, алкоголь ішімдіктері жиі қолданылады. 

Саябаққа күтім жасалмаған, жай-күйіне бақылау жүргізілмеген.

Фото

Previous Next